Pune Crime News: पुण्यात ऐन दिवाळीच्या तोंडावर प्रसिद्ध सराफावर गोळीबार, घटनेने परिसरातील नागरिकांमध्ये पसरली घबराट

नितीन पाटणकर

Pune News:

पुण्यातून धक्कादायक घटना समोर आली आहे. पुण्यात सराफ व्यावयायिकावर गोळीबाराची घटना घडली आहे. ऐन दिवाळीच्या तोंडावर प्रसिद्ध सराफावर अज्ञातांनी गोळीबार केल्याची घटना घडली आहे. पुण्यातील वानवडी परिसरात ही घटना घडली. या घटनेने परिसरात एकच खळबळ उडाली आहे. (Latest Marathi News)

मिळालेल्या माहितीनुसार, पुण्यातील वानवडी भागात सराफ व्यावसायिकांवर गोळीबार झाल्याची घटना घडली आहे. या भागात अज्ञातांनी गोळीबार करून हल्लेखोरांनी सराफ मालकाकडून लाखो रुपयांचे सोने लंपास केले आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

हल्लेखोरांनी सराफ मालकाच्या पायावर गोळ्या झाडून सोने लुटलं आहे. अज्ञातांनी सराफ मालकाला लुटून फरार झाले आहेत. लुटमारीच्या या घटनेने वानवडी परिसरात एकच खळबळ उडाली आहे.

अज्ञात हल्लेखोरांच्या हल्ल्यात प्रसिद्ध सराफ व्यावसायिक जखमी झाले आहेत. या घटनेची माहिती मिळताच पोलीस घटनास्थळी दाखल झाले.पोलिसांकडून या प्रकरणाचा शोध पोलिसांनी सुरु केला आहे. पोलिसांनी या भागातील सीसीटीव्हीचा शोध घेण्यास सुरुवात केली आहे.

नेमकं काय घडलं?

पुण्यातील सय्यद नगरवरुन सराफ व्यावसायिक दुकान बंद करुन घरी चालले होते. पुण्यातील बीटीकवडे रोडवर त्यांची दुचाकी आल्यानंतर अज्ञातांनी या सराफा व्यावसायिकांवर गोळीबार केला आहे.

वानवडी पोलीस स्टेशनच्या हद्दीतील बीटी कवडे रस्त्यावर हा प्रकार घडला. अज्ञातांनी सराफ व्यावसायिक बाप-लोकांवर गोळीबार केला. सराफ व्यावयायिकांवर गोळीबार करणारे हल्लेखोर लाखोंचे सोने घेऊन पसार झाले आहेत.

या घटनेची माहिती मिळताच वानवडी पोलिसासह गुन्हे शाखेचे पोलीस अधिकारी घटनास्थळी दाखल झाले आहेत. पोलिसांनी आरोपींचा शोध घेण्यासाठी तपास सुरु केला आहे.