Pune Breaking News: पुणेकरांसाठी गुडन्यूज! पाणी कपातीचे संकट टळले; शेतीसाठी ७ टीएमसी पाणी सोडण्याचा मोठा निर्णय

नितीन पाटणकर, पुणे|ता. २४ फेब्रुवारी २०२४

Pune Breaking News:

पुणेकरांसाठी एक महत्वाची आणि मोठी बातमी. पुणे शहरावरील पाणी कपातीचे संकट टळले आहे. आज उपमुख्यमंत्री अजित पवार यांच्या उपस्थितीत झालेल्या कालवा समितीच्या बैठकीत यासंबंधीचा महत्वाचा निर्णय घेण्यात आला आहे. तसेच पुणे जिल्ह्यात शेतीलाही पाणी मिळणार असल्याचा निर्णय या बैठकीत घेण्यात आला आहे.

याबाबत अधिक माहिती अशी की, पुणे शहराला (Pune Water Crisis) पाणीपुरवठा करणाऱ्या खडकवासला धरण साखळी क्षेत्रात केवळ 55 टक्के इतकाच पाणीसाठा उरल्याने पुणेकरांवर पाणी कपातीची टांगती तलवार होती. यासंबंधी आज उपमुख्यमंत्री अजित पवार (Ajit Pawar) यांच्या अध्यक्षतेखा कालवा समितीची महत्वाची बैठक पुण्यात पार पडली.

या बैठकीत पाणी कपातीसंबंधी महत्वाचा निर्णय घेण्यात आला आहे. पंचवीस वर्षातील सर्वात कमी पाऊस यावेळी पुणे जिल्ह्यात धरण क्षेत्रात झाला होता. मात्र तरीही यावेळी पुणेकरांना पाणी कपातीला सामोरे जावे लागणार नाही.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

तसेच शेतीसाठी ७ टीएमसी पाणी सोडले जाणार असल्याचेही या बैठकीत जाहीर करण्यात आले. उन्हाळ्यात दोन आवर्तन सोडली जाणार पहिला आवर्तन 3 मार्चपासून सुरू होणार आहे. दरम्यान, या बैठकीला पुणे, नगर आणि सोलापुर जिल्ह्यातील लोकप्रतिनीधी उपस्थित होते. तसेच खासदार सुप्रिया सुळे आणि आमदार रोहित पवार यांनीही या बैठकीला हजेरी लावली. (Latest Marathi News)