Pimpri - Chinchwad Fire Video: गॅस सिलेंडर रिफिलिंग करताना स्फोट; पत्राशेड झोपडपट्टीमधील घरांना भीषण आग, हवेत पसरले धुरांचे लोट

गोपाल मोटघरे, साम प्रतिनिधी

पिंपरी-चिंचवड शहरातील सांगवी परिसरामध्ये पत्राशेड झोपडपट्टीमधील घरांना भीषण आग लागलीय. या झोपडपट्टीमध्ये अवैध पद्धतीने गॅस सिलेंडर रिफिलिंग केलं जात होतं. त्यावेळी गॅस सिलेंडरचा स्फोट झाला. त्यानंतर येथील घरांना आग लागल्याची घटना घडली.

शिवरामनगर येथील पत्रा शेड झोपडपट्टी घरांना आज दुपारी १२ वाजेच्या सुमारास ही आग लागलीय. दोन ते तीन गॅस सिलेंडरचा स्फोट झाला. पत्राशेड झोपडपट्टीमध्ये अवैध पद्धतीने गॅस सिलेंडर रिफिलिंग केलं जात होतं. त्यावेळी गॅस सिलेंडरचा स्फोट झाला आणि आग लागली, असावी, असा प्राथमिक अंदाज त्या भागातील स्थानिक नागरिक व्यक्त करत आहेत.

पिंपरी चिंचवड महापालिकेच्या अग्निशमन दलाने तीन अग्निशमन बंबच्या सहाय्याने सध्या आग आटोक्यात आणली आहे. या आगीत सध्या कोणतीही जीवितहानी झाली नसली तरी मोठ्या प्रमाणात वित्तहानी झालीय.