Mumbai New Railway Line: मुंबईला मिळणार नवी रेल्वे लाइन; कल्याण-कसारा प्रवास होणार सुसाट; काय आहे प्लान?

मुंबईकरांसाठी महत्त्वाची बातमी आहे. आता कल्याण-कसारा दरम्यान नवीन रेल्वे लाइन सुरु करण्यात येणार आहे. या नवीन रेल्वे लाइनमुळे प्रवास खूप सोपा आणि जलद होणार आहे. कल्याण ते कसारा नवीन रेल्वे लाइन ६८ किमी लांब असणार आहे.

कल्याण कसारा ट्रेनचा पहिला टप्पा आसागाव-कसारा असणार आहे. हा जवळपास ३५ किमी लांबीचा असणार आहे. या रेल्वे लाइनमुळे कल्याण-कसाऱ्यातील प्रवाशांना खूप फायदा होणार आहे.

नवीन रेल्वे मार्ग सुरु होणार

कसारा ते खर्डीदरम्यान नवीन रेल्वे मार्ग होणार आहे. हा मार्ग १३.५३ लांब असणार आहे. या मार्गाचे विद्युतीकरण १२ मे रोजी होणार आहे. याला रेल्वे सुरक्षा आयुक्तांकडून मंजुरी मिळाल्यानंतर प्रत्यक्ष सुरुवात होईल. या मर्गामुळे मेल एक्सप्रेस दुसऱ्या मार्गावरुन आणि उपनगरीय लोकल वेगळ्या मार्गावरुन धावतील. त्यामुळे उपनगरीय रेल्वेला जास्त वेळ थांबावे लागणार नाही.

कल्याण-कसारा रेल्वे लाइन ६८ किमी लांब असणार आहे. पहिल्या टप्पा ३५ किमी असून त्यातील १३.५३ किमीचे काम जवळपास पूर्ण होत आले आहे. या कामासाठी ७९२.८९ कोटी रुपये खर्च आला आहे. मुंबई शहरी परिवहन प्रकल्पाचा हा विस्तार आहे. या प्रकल्पाचे उद्दिष्ट सर्व रेल्वे, मेल एक्सप्रेस या वेळेत पोहचाव्यात हा आहे.

सध्या या दोन्ही मार्गांवर एकूण १४७ लोकल धावतात. तर ७१ लांब पल्ल्याच्या ट्रेन आहेत.याचसोबत २० मालगाड्या धावतात. दरम्यान, आता कल्याण ते कसारा स्थानकांवर प्रवाशांनी वाढती गर्दी लक्षात घेता मेल एक्सप्रेससाठी वेगळी रेल्वे लाइन सुरु करण्याचा निर्णय सरकारने घेतला आहे.