Mumbai Local Accident : मुंबई लोकलच्या टपावर चढला; तरुणासोबत क्षणात होत्याचं नव्हत झालं

विकास मिरगणे, साम टीव्ही

नवी मुंबई : मुंबई लोकलमध्ये अपघाताचं सत्र सुरु आहे. काही दिवसांपूर्वी कुर्लामध्ये अपघातात तरुणाचा मृत्यू झाला. कुर्ल्यात अपघाताची घटना ताजी असताना हार्बर लाईनवरही अपघाताची घटना घडली होती. वडाळा येथून पनवेलकडे जाणाऱ्या लोकलच्या टपावर चढल्याने तरुण कंरट लागून गंभीर जखमी झाल्याची घटना घडली आहे. अपघातानंतर तातडीने घटनास्थळी धाव घेतली.

हार्बर मार्गावरील वडाला येथून पनवेलकडे जाणाऱ्या लोकलच्या टपावर चढल्याने एका तरुणाचा करंट लागून गंभीर झाला. जखमी झालेल्या तरुणाचे नाव अंकुर पांडे असे आहे. तो अंदाजे पंचवीस वर्षांचा असल्याचे सांगण्यात येत आहे.

रेल्वे पोलिसांच्या माहितीनुसार, मानखुर्द परिसरात हा तरुण टपावर चढला होता. लोकल वाशी स्थानकात पोहोचल्यावर प्रवाशांच्या आरडाओरडीनंतर पोलिसांना प्रकार समजला. तरुण पूर्णपणे भाजलेला अवस्थेत आढळला. पोलिसांनी तातडीने त्याला वाशीतील मनपा रुग्णालयात दाखल केले. त्यानंतर पुढील उपचारासाठी मुंबईतील जे.जे रुग्णालयात उपचारासाठी पाठवण्यात आले आहे. या प्रकरणाचा तपास वाशी रेल्वे पोलीस करत आहेत.

कुर्ला अपघातात तरुणाचा दुर्दैवी अंत

मुंबईमध्ये लोकलमधून पडून काही दिवसांपूर्वी तरुणाचा दुर्दैवी मृत्यू झाला. मध्य रेल्वेवरील कुर्ला रेल्वे स्थानकावर ही घटना घडली. लोकलखाली आल्याने तरुणाचा जागीच मृत्यू झाला. अपघातानंतर तरुणाचं शीर धडावेगळं झालं. तरुणाच्या अपघाताची माहिती मिळताच रेल्वे पोलिसांनी घटनास्थळी धाव घेतली. अपघातानंतर घटनेमुळे एकच खळबळ उडाली. तरुणाच्या अपघाताचा व्हिडीओ समोर आला आहे.