Mumbai: मुंबईत धावत्या लोकलमधून पडून तरुणाचा मृत्यू, शीर धडावेगळं झालं; थरकाप उडवणारा VIDEO

मुंबईमध्ये लोकलमधून पडून एका तरुणाचा दुर्दैवी मृत्यू झाल्याची घटना समोर आली आहे. कुर्ला रेल्वे स्थानकावर ही घटना घडली. लोकलखाली येऊन तरुणाचा जागीच मृत्यू झाला. त्याचे शीर धडावेगळं झालं. घटनेची माहिती मिळताच रेल्वे पोलिसांनी घटनास्थळी धाव घेतली आहे. या घटनेमुळे खळबळ उडाली आहे. लोकल बराच वेळ कुर्ला स्थानकावर थांबून होती.

रेल्वे पोलिसांनी दिलेल्या माहितीनुसार, ही घटना कुर्ला रेल्वे स्थानकावरील प्लॅटफॉर्म क्रमांक ७ वर घडली. दुपारी ३ च्या सुमारास ही घटना घडली. पनवेलकडे जाणाऱ्या लोकलखाली हा तरुण आला. नेमकं काय घडलं याची माहिती अद्याप समोर आली नाही. या घटनेचा व्हिडीओ समोर आला असून तो व्हायरल होत आहे.