सत्ताधारी पक्षातील मंत्री प्रताप सरनाईक यांच्याविरोधात... मीरारोडच्या मराठी मोर्चात सहभागी होण्यासाठी गेलेल्या सरनाईकांना आंदोलकांनी हुसकावलं.... मोर्चातील लोकांकडून 'सरनाईक गो बॅक', जय गुजरातच्या घोषणा देण्यात आल्या. मराठी माणसाच्या आक्रमकपणामुळे अखेर प्रताप सरनाईकांनी मराठी मोर्चातून काढता पाय घेतला..किंबहुना मराठी माणसांनीच त्यांना हुसकावून लावल्याची टीका विरोधकांनी केलीय..
स्थानिक आमदाराविरोधात हा राग उफाळून येण्यासाठी कारण ठरलं ते प्रताप सरनाईकानी काही दिवसांपूर्वीचं केलेलं विधान.
सरनाईकांचं हे विधान परप्रांतीयांना हिंदीचा माज महाराष्ट्रात दाखवण्यासाठी कारणीभूत ठरलं आणि मीरारोडमध्ये परप्रांतीय व्यापाऱ्यांनी थेट मराठीविरोधात मोर्चा काढला... त्यानंतर परप्रांतीय व्यापाऱ्यांच्या मुजोरीला मराठी माणसांनी मीरारोडमध्ये मोर्चानं चोख उत्तर दिलं.
मात्र सरनाईकांचं मोर्चात सहभागी होणं मराठी आंदोलकांना खटकलं..ठाकरे सेनेचे नेते राजन विचारे यांनी सरनाईकांच्या दुट्टपी भूमिकेवर निशाणा साधलाय..
गेल्या काही दिवसांपासून वारंवार मराठी माणसाच्या अस्मितेला ललकारलं जातयं. त्यात मीरारोडमधील मोर्चानं थेट सत्ताधारी पक्षातील मंत्र्यांचीच कोंडी झालीय. अशात मराठी माणसाचा हा एल्गार परप्रांतीयांची आणि त्यांना पाठिंबा देणाऱ्या नेत्यांची मुजोरी थांबवणार का? हे पाहणं महत्त्वाचं ठरणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.