Government Holiday: २ डिसेंबरला सार्वजनिक सुट्टी जाहीर; जिल्हाधिकाऱ्यांची घोषणा

राज्यात स्थानिक स्वराज्य संस्थांच्या निवडणुकीचे वारे वाहत आहेत. येत्या २ आणि ३ डिसेंबर रोजी नगरपरिषद आणि नगरपंचायतीच्या निवडणुका आहेत. नगरपरिषद व नगरपचांयतीच्या सार्वत्रिक निवडणूकीत पात्र मतदारांना मतदान करता यावे, याकरिता २ डिसेंबर २०२५ रोजी सार्वजनिक सुट्टी जाहीर करण्यात आली आहे अशी माहिती जिल्हाधिकारी तथा जिल्हा निवडणूक अधिकारी जितेंद्र डुडी यांनी केले आहे.

पुणे जिल्ह्यात सरकारी सुट्टी जाहीर (Government Holiday on 2nd December)

जिल्ह्यातील आळंदी, बारामती, भोर, चाकण, दौंड, फुरसुंगी-उरळी देवाची, इंदापूर, जेजुरी, जुन्नर, लोणावळा, माळेगाव बुद्रुक, मंचर, राजगुरुनगर, सासवड, शिरूर, तळेगाव दाभाडे आणि वडगाव या नगरपरिषद व नगरपचांयतीच्या मतदार संघात सुट्टी असणार आहे.

मतदारसंघाच्या क्षेत्रातील जे मतदार कामाकरिता त्या त्या मतदारसंघाच्या बाहेर असणाऱ्यांना मतदारांना देखील लागू राहणार आहे. केंद्र शासनाच्या शासकीय कार्यालये, निमशासकीय कार्यालये, सार्वजनिक उपक्रम, बँका आदींना सार्वजनिक सुट्टी लागू राहील, येत्या 2 डिसेंबर रोजी पात्र मतदारांनी मतदान करावे, असे आवाहन श्री. डुडी यांनी केले आहे.

२ डिसेंबर रोजी नगरपरिषद आणि नगरपंचायतीसाठी मतदान होणार आहे. मतदारांना मतदान करता यावे, यासाठी हा निर्णय घेतला आहे.ज्या ज्या मतदारसंघात निवडणुका होणार आहेत. त्या मतदारसंघात सरकारी सुट्टी जाहीर करण्यात आली आहे. बँका, शासकीय कार्यालये बंद असणार आहेत. त्यामुळे तुमचे २ डिसेंबरला बँकेत काही काम असेल तर जाऊ नका.

राज्य निवडणूक आयोगाचा निर्णय

आता राज्य निवडणूक आयोगाने नगरपरिषद आणि नगरपंचायत निवडणूकीसाठी प्रचारासाठी मुदत वाढवली आहे. आता १ डिसेंबरच्या रात्री १० वाजेपर्यंत प्रचार करता येणार आहे. अपत्र आणि उमेदवारांना उशिरा चिन्ह मिळालेल्यांना दिलासा मिळणार आहे. आता उमेदवारांना मतदानाच्या आदल्या दिवसापर्यंत प्रचार करता येणार आहे.