D.S. Kulkarni News: बांधकाम व्यावसायिक डी. एस. कुलकर्णींना जामीन मंजूर; 5 वर्षांनी तुरुंगातून सुटका, गुंतवणूकदारांच्या ८०० कोटींचं काय?

अक्षय बडवे

D.S. Kulkarni News:

बांधकाम व्यावसायिक डी. एस. कुलकर्णी यांना जामीन मंजूर झाला आहे. डी. एस. कुलकर्णीं तब्बल ५ वर्षांनी तुरुंगातून बाहेर आले आहे. महंत सुधीरदास यांच्यासोबत भेटीचे समोर आल्यानंतर ही माहिती समोर आली आहे. (Latest Marathi News)

काय आहे प्रकरण?

ठेवीदारांच्या फसवणूक प्रकरणी फेब्रुवारी २०१८ मध्ये बांधकाम व्यावयासिक डी.एस.कुलकर्णी, त्यांच्या पत्नी, मुलगा, मेव्हणे, जावई आणि इतर काही जणांना अटक करण्यात आली होती.

या प्रकरणात डी.एस. कुलकर्णी यांना पाच वर्षानंतर जामीन मिळाला आहे. गेल्या पाच वर्षात कुलकर्णी यांनी ठेवीदारांना एकही रुपये मिळाले न दिल्याची माहिती मिळत आहे.

दरम्यान, कुलकर्णी यांना ज्या कायद्याअंतर्गात अटक झाली, त्या कायद्यांतर्गतच आोरोपींना किती कळ तुरुंगात ठेवता येतं? हे पाहून न्यायालयाने या प्रकरणात अडकलेल्या सर्वांना जामीन मंजूर केला, अशी माहिती मिळत आहे.

गुंतवणूकदारांना पैसे कधी मिळणार?

डी. एस.कुलकर्णी यांनी ठेवीदारांचे गेल्या काही पाच वर्षात एकही रुपया परत दिले नसल्याची माहिती मिळत आहे. कुलकर्णी यांच्याकडे विविध प्रकल्प आहेत. या सर्व प्रकल्पांची लिलाव करण्याची प्रक्रिया सुरू आहे.

डी. एस.कुलकर्णी यांच्यावर किती कर्ज?

कुलकर्णींवर काही बँकांचही १२०० कोटी रुपयांचं कर्ज आहे. या प्रकरणात एका राष्ट्रीयकृत बँकेच्या सर्वोच्च अधिकाऱ्यालाही अटक करण्यात आली होती. कुलकर्णींची मालमत्ता विकून बँकांना सर्वात आधी रक्कम दिली जात आहे. यामुळे मालमत्ता लिलाव करून गुंतवणूकदारांना सर्वात आधी पैसे द्यावे, अशी मागणी गुंतवणूकदारांकडून केली जात आहे.