Pune Crime News : क्षुल्लक कारणावरुन तरुणाला अर्धनग्न करत बेदम मारहाण, पुण्यातील धक्कादायक घटना

सचिन जाधव

Pune News : तरुणाला अर्धनग्न करत बेदम मारहाण केल्याची घटना पुण्यातून समोर आली आहे. बदनामी करत असल्याच्या गैरसमजातून तरुणाला ही मारहाण करण्यात आली आहे. याप्रकरणी पीडित तरुणाने भारती विद्यापीठ पोलीस ठाण्यात रविवारी फिर्याद दिली आहे.

पोलिसांनी याप्रकरणी राहुल व्यवहारे, शिवंकर कडू यांच्यावर गुन्हा दाखल केला आहे. याबाबत नऱ्हे परिसरात राहणाऱ्या एका २८ वर्षीय तरुणाने पोलिसांना फिर्याद दिली आहे.

सदर घटना १४ ऑगस्ट २०२३ रोजी संध्याकाळच्या सुमारास घडला. फिर्यादी हा आपली बदनामी करतो आहे, असे राहुल व्यवहारे आणि शिवणकर कडू यांना वाटत होते. म्हणून आरोपींनी फिर्यादीला अर्धनग्न करून मारहाण केली. तसेच यापुढे इव्हेन्ट करायचा नाही, असे सांगून जीवे मारण्याची धमकी दिली. (Latest Marathi News)

अर्धनग्न अवस्थेत मारहाण करतानाचा व्हिडीओ काढून तो फिर्यादीच्या क्षेत्रातील लोकांना व्हाट्सअपवर पाठवला. याप्रकरणी भारती विद्यापीठ पोलीस ठाण्यात दोघांविरोधात गुन्हा दाखल करण्यात आला आहे.  (Maharasthra News)