एक राष्ट्र, एक नंबर या संकल्पनेतून सुरू करण्यात आलेल्या भारत सीरीज योजनेला पुणे शहरात मोठा प्रतिसाद मिळत आहे. आर्थिक वर्ष 2025-26 दरम्यान पुणे प्रादेशिक परिवहन कार्यालयाने (RTO) BH सीरीज अंतर्गत एकूण 7,394 वाहनांची नोंदणी केली आहे. गेल्या वर्षाच्या तुलनेत हा आकडा लक्षणीयरित्या वाढला आहे.
पुणे शहरात केंद्र सरकारची कार्यालये, निमसरकारी संस्था आणि अनेक बहुराष्ट्रीय कंपन्यांच्या शाखा आहेत. या क्षेत्रात काम करणाऱ्या कर्मचाऱ्यांच्या बदल्या वारंवार एका राज्यातून दुसऱ्या राज्यात होत असतात. याच कारणामुळे पुणे RTO मध्ये BH सीरिज निवडणाऱ्या वाहनधारकांची संख्या सातत्याने वाढत आहे.
केंद्रीय रस्ते वाहतूक आणि महामार्ग मंत्रालयाने 2021 मध्ये ही मालिका सुरू केली होती. याचा मुख्य उद्देश एका राज्यातून दुसऱ्या राज्यात स्थलांतरीत झाल्यावर वाहनाचे रजिस्ट्रेशन पुन्हा करण्याची कटकट दूर करणे हा आहे. सर्वसाधारण नियमानुसार दुसऱ्या राज्यातील वाहन कोणत्याही राज्यात जास्तीत जास्त 12 महीने चालवता येते. त्यानंतर त्या राज्यात नवीन नोंदणी करणे बंधनकारक असते.जर वाहनाकडे BH सिरिज असेल तर राज्यानुसार नोंदणी बदलण्याची गरज उरत नाही. वाहन मालक देशभरात कुठेही कोणत्याही अडथळ्याशिवाय प्रवास करू शकतात.
'BH सीरीज'च्या नंबर प्लेटची रचना विशिष्ट असते. यात सर्वात आधी नोंदणीच्या वर्षाचे शेवटचे दोन अंक असतात, त्यानंतर 'BH' हा कोड असतो, मग चार अंकी वाहन क्रमांक आणि शेवटी 'A' ते 'Z' यांपैकी अक्षरे असतात. संपूर्ण देशात विनाअडथळा वाहन वापरण्याच्या सुविधेमुळे पुण्यातील नोकरीपेशा वर्गात या सीरीजची लोकप्रियता दिवसेंदिवस वाढत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.