
बदलापूर : बदलापुरमध्ये एक हृदयद्रावक घटना समोर आली आहे. एका १४ वर्षीय मुलाचा विद्युत तारेचा शॉक लागून मृत्यू झाल्याची घटना बदलापूर गावात घडलीय. अमृत टॉवर या इमारतीत राहणारा राजवीर लोखंडे हा मुलगा सोसायटीच्या आवारात मुलांबरोबर खेळत होता. तो सोसायटीच्या आवारातील विजेच्या पोलवरील उघड्यावर असलेल्या विजेच्या तारेवर पडल्यानं त्याला शॉक लागला. यात त्याचा जागीच मृत्यू झाला. या घटनेनं परिसरात हळहळ व्यक्त केली जातेय. या बाबत राजवीर याच्या पालकांनी पोलीस ठाण्यात तक्रार दाखल केलीय. या प्रकरणात जबाबदार असणाऱ्यांवर कठोर कारवाई करण्याची मागणी त्यांनी केली असून, बदलापूर पश्चिम पोलीस प्रकरणाचा अधिक तपास करत आहेत.
पोहायला गेलेल्या तरुणाचा बुडून मृत्यू
दरम्यान, दोघे मित्र गावापासून जवळच असलेल्या गोदावरी नदीवर पोहण्यासाठी गेले होते. मात्र, नदी पात्रातील पाण्याचा अंदाज न आल्यानं एकाचा बुडून मृत्यू झाल्याची घटना जालन्यातील अंबड तालुक्यात घडली आहे. तर सोबत असलेला दुसरा मित्र पोहत बाहेर निघाल्यानं वाचला असून घटनेची माहिती गावात दिली. घटनेमुळे गावात खळबळ उडाली आहे.
जालन्याच्या अंबड तालुक्यातील डोमलगाव येथे ही घटना घडली असून यामुळे परिसरात खळबळ उडाली आहे. ज्ञानेश्वर बाबुराव खराद (वय २१) असं घटनेत मृत झालेल्या तरुणाचं नाव आहे. अंबड तालुक्यातील डोमलगाव येथील दोन तरुण नदीपात्रात पोहण्यासाठी गेले होते. त्यापैकी ज्ञानेश्वर खराद या तरुणाला पाण्याचा अंदाज न आल्यानं तो गोदावरी नदीपात्रात बुडाला. तर सोबत असलेल्या दुसरा मित्र नदीतून बाहेर निघून आला.
दरम्यान, आपला मित्र नदीत बुडाल्यानं घाबरलेल्या तरुणानं गावात धाव घेत घटनेची माहिती दिली. यानंतर घटनेची माहिती मिळताच ग्रामस्थांनी गोदावरी नदी पात्राकडे धाव घेत बुडालेल्या तरुणाचा शोध सुरू केला. गावातील पट्टीच्या पोहणाऱ्यांनी तब्बल दोन तासांच्या शोध कार्यानंतर ज्ञानेश्वरचा मृतदेह नदीपात्राबाहेर काढण्यात आला. ज्ञानेश्वरच्या दुर्दैवी मृत्यूमुळे खराद कुटुंबावर दुःखाचा डोंगर कोसळला असून डोमलगाव गावावर शोककळा पसरली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.