WhatsApp Message: तुमचं व्हॉट्सअ‍ॅप चॅट कोण वाचतंय... कुणाची आहे नजर? व्हायरल मेसेजमागचं सत्य काय?

संदीप चव्हाण, साम टीव्ही

तुम्ही व्हॉट्सअ‍ॅप वापरत असाल तर तुमचे चॅट कुणीतरी वाचतंय. हे आम्ही म्हणत नाहीये तर तसा एक मेसेज सोशल मीडियावर व्हायरल होत आहे. बरेच लोकं व्हॉट्सअ‍ॅप वापरतात. त्यामुळे आम्ही या दाव्याची पडताळणी केली. त्यावेळी यामधून काय सत्य समोर आलं ते आपण पाहणार आहोत...

तुमचे व्हॉट्सअ‍ॅप मेसेज कुणीतरी वाचतंय...? कुणीतरी गुपचूप मेसेज वाचत असल्याचा मेसेज व्हायरल होत आहे. त्यामुळे तुम्ही लिहिलेला मेसेज कोण वाचतंय...? याचा शोध घेणं गरजेचं आहे.मात्र, या दाव्यात तथ्य आहे का...? एवढं धाडस कुणाचं होतंय की तो तुमचा मेसेज चोरून वाचतोय. याचा शोध घेण्यासाठी आमच्या व्हायरल सत्य टीमने प्रयत्न केला आहे.

या व्हायरल मेसेजमुळे व्हॉट्सअ‍ॅप वापरणाऱ्यांचे धाबे दणाणले आहेत. कारण, देशात फोन असलेले जवळपास 80 टक्के लोकं व्हॉट्सअॅप वापरतात. अनेक लोक चॅटिंग करतात. काहींचे पर्सनल चॅट असतात, मात्र तेही कुणी वाचले तर अनेक वाद निर्माण होऊ शकतात. तसंच गुन्हेगारीही वाढू शकते. मात्र, हे खरं आहे का...? असं शक्य आहे का...? याची माहिती मिळवण्यासाठी आमच्या टीमने पडताळणी सुरू केली. त्याआधी मेसेजमध्ये काय दावा केलाय हे आपण जाणून घेणार आहोत.

तुमच्या व्हॉट्सअ‍ॅपचे मेसेज, कॉलचा रेकॉर्ड सहज उपलब्ध होतोय. सरकारने त्यासाठी नवीन नियम लागू केलेत.त्यामुळे व्हॉट्सअ‍ॅपचे मेसेज वाचता येतात. या मेसेजची आम्ही पडताळणी केली. मात्र, सरकारने असे कोणतेही नवीन नियम लागू केलेले नाहीत. सोशल मीडियावर असे मेसेज व्हायरल केले जातायत. लोकांना घाबरवण्यासाठी अनेकजण काहीना काही चुकीचे मेसेज त्यामुळे आमच्या पडताळणीत काय सत्य समोर आलं पाहुयात...

साम टीव्हीने केलेल्या पडताळणीनुसार, तुमचे मेसेज कुणीही सहज वाचू शकत नाही. सरकारने असे नवीन नियम बनवलेले नाहीत. सरकार तुमचे व्हॉट्सअ‍ॅप मेसेज वाचत नाही. चुकीचा मेसेज व्हायरल करून दिशाभूल केली जात आहे. असे मेसेज कुणालाही वाचता येत नाही. काहीच गुन्हा झाला आणि कॉल रेकॉर्ड, व्हॉट्सअ‍ॅप चॅटची माहिती हवी असल्यास पोलिसांमार्फत मिळवली जाते. त्यामुळे आमच्या पडताळणीत तुमचे मेसेज कुणीतरी वाचतंय हा दावा असत्य ठरलाय.