Wardha Crime : बँकेत हातचलाखी करून फसवणूक करणारा ताब्यात; साडेचार हजार रुपये केले जप्त

चेतन व्यास 
वर्धा : बँकेमध्ये हातचलाखी करून लोकांची आर्थिक फसवणूक करणाऱ्या अट्टल चोरट्यास स्थानिक गुन्हे शाखेच्या पोलिसांनी (Police) अटक केली. त्याने चोरलेल्या १६ हजार रुपयांपैकी साडेचार हजार रुपयांची रोख (Wardha) त्याच्या ताब्यातून जप्त केली. नासिर अली आमीर अली (वय ४५, रा. येरखेडा, तह. कामठी, जि. नागपूर) असे अटक केलेल्या आरोपीचे नाव आहे. (Maharashtra News)

बाभूळगाव बोबडे (ता. देवळी) येथील रंजना दिगांबर वाघाडे यांनी २० फेब्रुवारीला पुलगाव येथील बँक ऑफ इंडिया शाखेतून बचतगटाचे ४० हजार रुपये काढले. ते पैसे (Bank) बँकेतील एका खुर्चीवर बसून मोजत होत्या. दरम्यान, एक अनोळखी व्यक्ती त्यांच्याजवळ आला. पैसे मोजण्याच्या बहाण्याने त्याने पैसे स्वतः जवळ घेतले. (Crime) यानंतर हातचलाखी करून परस्पर १६ हजार रुपये घेऊन पळून गेला. वाघाडे यांनी पैसे मोजले असता त्यात १६ हजार कमी मिळून आल्याने, त्यांनी या संदर्भात पुलगाव पोलिसात तक्रार दाखल केली होती. या प्रकरणाचा तपास स्थानिक गुन्हे शाखेकडे देण्यात आला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या प्रकरणातील संशयित आरोपी नासिर अली आमीर अली नागपूर जिल्ह्यातील असल्याची माहिती मिळाली. त्या आधारावर त्यास घरून ताब्यात घेत चौकशी केली. त्याने गुन्हा केल्याची कबुली दिली. त्याने फसवणूक करून चोरी केलेल्या १६ हजार रुपयांपैकी काही रक्कम त्याच्या आईच्या उपचाराकरिता खर्च केली असल्याचे सांगितले. मात्र उर्वरित ४ हजार ७१० रुपये त्याच्याकडून जप्त करीत पुलगाव पोलिसांच्या ताब्यात देण्यात आले. ही कारवाई सहायक पोलिस निरीक्षक संतोष दरेकर, मनोज धात्रक, अरविंद येनुरकर, संजय बोगा, विनोद कापसे, अभिषेक नाईक यांनी केली.