चेतन व्यास, वर्धा|ता. ७ डिसेंबर २०२३
युवकांचे प्रश्न मांडण्यासाठी राष्ट्रवादी कॉंग्रेस पक्षाचे आमदार रोहित पवार हे संघर्ष यात्रेच्या माध्यमातून रस्त्यावर उतरलेत. बुधवारी ही यात्रा वर्धा जिल्ह्यात दाखल झाली आहे. आज (गुरूवार, ७ डिसेंबर) रोहित पवार यांची युवा संघर्ष पदयात्रा ही वर्धेच्या वायफड येथून वर्धेकरीता रवाना झालीय. यावेळी पत्रकारांशी संवाद साधताना रोहित पवार यांनी शिंदे- फडणवीस- पवार सरकारच्या कारभारावर सडकून टीका केली.
"सत्तेत असलेल्या लोकांबद्दल बोलायचं झालं तर त्यांनी कुटुंब फोडण्याची आणि पक्ष फोडण्याची सुपारी घेतली आहे. तसेच महाराष्ट्रातले महत्वपूर्ण प्रोजेक्ट गुजरातला देण्यात यावे तिथल्या युवकांना न्याय मिळावा याची सुद्धा सुपारी सरकारच्या सर्व नेत्यांनी घेतली आहे. सामान्य लोक अडचणीत आहे पण फक्त पदाबाबत चर्चा करायची स्वतःच हीत जपण्याची सुपारी सुद्धा या सर्व नेत्यांनी घेतली आहे. असा टोला त्यांनी लगावला.
यावेळी बोलताना रोहित पवार (Rohit Pawar) यांनी हिवाळी अधिवेशनावरुनही सरकारवर टीका केली. "सरकारला आमदारांना आणि सामान्य नागरिकांना सुद्धा गृहीत धरते अश्या आजच्या परिस्थितीत सामान्य नागरिक अडचणीत आहे तेव्हा चर्चेत काय आणलंय तर कसीनोच बील चर्चेसाठी आणलं आहे म्हणजे हे सरकार गोंधळेललं आहे आणि निकामी सरकार आहे असं आमचं मत आहे,, असे ते म्हणाले.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
छगन भुजबळांवर टीकास्त्र...
राज्यात आरक्षणावरुन (Maratha Reservation) सध्या मराठा- ओबीसी संघर्ष पाहायला मिळत आहे. मराठा आंदोलक मनोज जरांगे पाटील (Manoj Jarange Patil) आणि ओबीसी नेते छगन भुजबळ यांच्यामध्ये आरोप-प्रत्यारोप पाहायला सुरू आहेत. यावर बोलताना आमदार रोहित पवार यांनी छगन भुजबळ (Chhagan Bhujbal) यांच्यावर जोरदार टीका केली.
राजीनाम्याची मागणी...
"छगन भुजबळ हे सत्तेत आहे त्यांच्याकडे संविधानिक पद आहे. तुमच्याकडे संवेधानिक पद असेल तर त्याचा वापर कुठेतरी सामान्य लोकांसाठी केल पाहिजे. कॅबिनेटमध्ये तुम्ही बोलले पाहिजे. बाहेर जाऊन मीडिया समोर बोलणे, मोठी मोठी भाषण करने यापेक्षा संविधानिक पद सोडा तरी नाहीतर मग कॅबिनेट मध्ये चर्चा करा..." असे रोहित पवार यावेळी म्हणाले. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.