Karde Beach : कर्दे समुद्रात बुडालेल्या पाचगणीतील युवकाचा मृतदेह सापडला; पाच जणांचा वाचला जीव

- जितेश कोळी

Karde Beach : रत्नागिरी जिल्ह्यातील दापोली तालुक्यातील कर्दे समुद्रात (sea) बुडालेल्या युवकाचा मृतदेह तब्बल साेळा तासांनंतर शोध मोहिमेत सापडला आहे. स्थानिक ग्रामस्थ व पोलिसांनी रविवारी सायंकाळपासून ही शोध माेहिम सुरू केली होती. अखेर सौरभ प्रकाश घावरे याचा मृतदेह हाती लागला आहे. साैरभ हा सातारा (satara) जिल्ह्यातील आहे. (Breaking Marathi News)

कर्दे समुद्रात रविवारी वाई तालुक्यातील सहा जण बुडाल्याची धक्कादायक घटना घडली. यावेळी स्थानिकांना सहापैकी पाच जणांना वाचवण्यात यश आलं. या घटनेत एक युवक सुमद्रात बुडाला. त्याचा शाेध सर्वांनी घेतला परंतु अंधार पडल्यानंतर शाेध माेहिम थांबविण्यात आली.

कार्तिक घाडगे, यश घाडगे, दिनेश चव्हाण, अक्षय शेलार, कुणाल घाडगे या पाच जणांना स्थानिकांना वाचवण्यात यश आलं हाेते. परंतु सौरभ घावरे याचा शाेध लागू शकला नाही. या घटनेने सर्व मित्रांना माेठा धक्का बसला हाेता. आज (साेमवार) पुन्हा शाेधमाेहिमेस प्रारंभ झाला.

अखेर सौरभ प्रकाश घावरे याचा मृतदेह समुद्र किनाऱ्यावर आढळून आला आहे. सातारा जिल्ह्यातील पाचगणी येथील सौरभ हा आपल्या मित्रांसोबत कर्दे येथे पर्यटनासाठी आला होता.

Edited By : Siddharth Latkar