Nanded: डोळ्यात मिर्ची पुड टाकून व्यापाऱ्यास लुटणाऱ्या तिघांना अटक

नांदेड : नांदेड (nanded) शहरात एका व्यापाऱ्याला तलवारीचा धाक दाखवत आणि डोळ्यात मिर्ची पुड टाकून चार लाख रुपयांसह त्याची दुचाकी (vehicle) घेऊन पसार झालेल्या तिघांना पोलिसांनी (police) ४८ तासांत अटक (arrest) केली आहे. (nanded latest marathi news)

वाजेगाव येथील किराणा मालाचे होलसेल व्यापारी सय्यद आतिक सय्यद रशीद हे तीन दिवसांपूर्वी दुकान बंद करुन रात्री सिडको येथे घराकडे जात असताना शहरातील कापूस केंद्राजवळ तिघांनी सय्यद अतिक यांना अडवून त्यांना तलवारीचा धाक दाखवत डोळ्यात मिर्ची पुड टाकली आणि चार लाखांची बॅग, दुचाकी घेऊन पसार झाले.

या घटनेची माहिती सय्यद अतिक यांनी पोलिसांना दिली. पोलिस घटनास्थळावर पाेहचले. त्यावेळी त्यांना तेथे एक मोबाईल सापडला. या मोबाईलच्या आधारे पोलिसांनी माग काढत सोहेब खान शब्बीर खान, नूर खान हुसेन खान पठाण आणि सय्यद ताहेर या तिघांना अटक केली. या प्रकरणी तिघां विरोधात ग्रामीण पोलीस ठाण्यात गुन्हा दाखल करण्यात आला आहे.

Edited By : Siddharth Latkar