Shocking : आई की कसाई? २२ दिवसांचा चिमुकला दुर्धर आजाराने ग्रस्त; आईने अंधश्रद्धेतून दिले बाळाच्या पोटावर चटके

पराग ढोबळे, साम टीव्ही

नागपुरात एका महिलेने अंधश्रद्धेचा कळस गाठला आहे. हृदयाच्या दुर्धर आजाराने ग्रस्त असणाऱ्या 22 दिवसांच्या चिमुकल्याला अंधश्रद्धेतून आईने चक्क पोटावर चटके दिल्याचा प्रकार समोर आला होता. याच चिमुकल्यावर नागपुरातील खासगी रुग्णालयात उपचार करण्यात आले. हृदयावर जटिल शस्त्रक्रिया करून बाळाचा जीव वाचवण्यात यश आले आहे.

अमरावती जिल्ह्याचे पालकमंत्री चंद्रशेखर बावनकुळे यांनी आई-वडिलांवर गुन्हा दाखल झाल्याचं कळल्यावर पुढाकार घेतला. प्रशासन आणि पोलिसांना सूचना दे रुग्णलायत उपचारासाठी पाठवण्याच्या सूचना दिल्यात. यानंतर बाळावर डॉक्टरांना शर्थीचे प्रयत्न करत त्याच्या जीव वाचवण्यात यश आले.

अमरावती जिल्ह्याचे मेळघाट या दुर्गम आदिवासी भागामधील सिमोरी गावात २२ दिवसांचं बाळ असताना सातत्याने श्वास घ्यायला त्रास होत असल्यानं सातत्याने रडत होते. त्याच्या बाळाचा आईने अंधश्रद्धेपोटी विळ्याने 65 चटके दिल्याची बाब उघडकीस आली. अंधश्रद्धेतून केलेल्या प्रकारामुळे चिखलदरा पोलीस ठाण्यात गुन्हा दाखल झाला. त्यानंतर या बाळाला अमरावती येथील रुग्णालयात उपचारासाठी दाखल केले होते.

पालकमंत्री चंद्रशेखर बावनकुळे यांना ही बाब करतात त्यांनी मुलाला उपचारासाठी नागपुरातील एका खासगी रुग्णालयात पाठवण्यात आले. 22 दिवसांच्या बाळाच्या अंगावर चटके दिले होते. बाळाची प्रकृती गंभीर असताना छातीत इन्फेक्शन झाल्यामुळे त्याच्यावर उपचार करणे कठीण होते. सुरुवातीला त्याच्या छातीत झालेल्या संक्रमण कमी करण्यासाठी डॉक्टराच्या टीमने 10 दिवस उपचार केले.

त्यानंतर बाळाच्या हृदयावर जटील अशी शस्त्रक्रिया करण्यात आली. त्यानंतर दहा दिवस लोटले असून बाळ आता बरं झालेलं आहे. बाळ दूध सुद्धा प्यायला लागलं आहे. येत्या दोन ते तीन दिवसात बाळाची सुट्टी होणार असल्याचं सुद्धा डॉक्टरकडून सांगण्यात आले.