Amaravati NIA Raid: अमरावतीत NIAची छापेमारी, तरूणाला अटक, पाकिस्तान कनेक्शनचा संशय

देशात अनेक ठिकाणी सध्या एनआयएकडून छापेमारी सुरू आहे. जम्मू काश्मीर, आसाम, महाराष्ट्र,उत्तर प्रदेश,गुजरातमध्ये छापेमारी सुरू असून, महाराष्ट्राच्या अमरावतीमधून एक धक्कादायक माहिती समोर आली आहे. एनआयएनं अमरावतीच्या छायानगरात छापेमारी केली. तेव्हा तेथील एक तरूण पाकिस्तानमधील एक संघटनेच्या संपर्कात असल्याचं आढळून आलं.

एनआयएकडून अमरावतीच्या छायानगरात छापेमारी करण्यात आली. मिळालेल्या माहितीनुसार अमरावतीत एक तरूण पाकिस्तानमधील एका संघटनेच्या संपर्कात असल्याची माहिती एनआयएच्या छापेमारीत उघड झाली. तसंच तो फोनद्वारे पाकिस्थानच्या संघटनेच्या संपर्कात असल्याचं आढळून आलं. त्यामुळे अमरावतीतल्या नागरीकांमध्ये भीतीचं वातावरण निर्माण झालं आहे.

एनआयएच्या माहितीनुसार, एनआयएच्या टीमला एक ३५ वर्षीय तरूण पाकिस्तानच्या एका संघटनाच्या संपर्कात असल्याचं आढळून आलं. त्याला रात्री उशीरा छाया नगरातून ताब्यात घेतलं असून, गेल्या पाच ते सहा महिन्यांपासून हा तरूण पाकिस्तानच्या संघटनेसोबत संपर्कात होता. पाकिस्तानमधून फोन कॉल सुरू होते. असं चौकशीत निष्पन्न झालं.

अमरावतीच्या छाया नगरात रात्री उशीरा त्याला ताब्यात घेतलं असून, आणखीन कुणी व्यक्ती अथवा तरूण या संघटेनेशी संपर्कात आहे का? संपर्क नेमका कसा आणि कशासाठी सुरू होता? यासह इतर गोष्टींचा तपास सुरू आहे. अमरावतीच्या तरूणांचा पाकिस्तानमधील जेश ए मोहम्मद या संस्थेशी संबंध आहे का? याचाही कसून तपास पोलीस करीत आहेत. दरम्यान, या घटनेनंतर अमरावती आणि छाया नगर परिसर अलर्ट मोडवर आलं आहे.