Jalgaon SBI Bank Robbery: भरदिवसा स्टेट बँकेवर सशस्त्र दरोडा; तब्बल 30 कोटी रुपयांचा मुद्देमाल लंपास, आरोपींना सिनेस्टाईलने पकडलं

जळगाव जिल्ह्यातील भोकर येथील स्टेट बँकेच्या शाखेत सशस्त्र दरोडा पडल्याची घटना घडलीय. शस्त्राचा धाक दाखवत चोरांनी भरदिवसा दरोडा घातला. चोरट्यांनी कोट्यावधी रुपयांची रोकड सोने लंपास केली होती. या घटनेमुळं मोठी खळबळ उडालीय. याप्रकरणी पोलीस आणि गावकऱ्यांच्या मदतीने तीन आरोपींना अटक देखील करण्यात आलीय.

जळगाव जिल्ह्यात भोकर गावातील स्टेट बँकेवर दरोडा घालत दरोडेखोरांनी तब्बल 30 कोटी रुपयांचे सोने आणि 12 लाखांची रोकड लंपास केली होती. दरोडेखोरांनी बँक कर्मचाऱ्यांना मारहाण केली. बंदुकीतून गोळीबार करत बँकेतील रक्कम चोरली. दरोडेखोर सोने आणि रोकड घेऊन पळून जाताना बँक कर्मचाऱ्यांनी ग्रामस्थ आणि पोलिसांनी त्यांचा पाठलाग केला आणि त्यांना पकडलं.

चार दरोडेखोरांना मुद्देमालासह अटक करण्यात यश मिळविलंय. दरम्यान दरोडा झालेल्या बँकेत मंत्री गुलाबराव पाटील यांनी पाहणी केलीय. घटनेची माहिती मिळताच गावकऱ्यांनी आणि पोलिसांनी तीन आरोपींना जेरबंद केले आहे. तरी आणखी काही दरोडेखोर फरार झाले आहेत. फरार झालेल्या आरोपींचा शोध पोलीस घेत आहेत. ज्या आरोपींना अटक करण्यात आली आहे, त्यांची पोलीस कसून चौकशी करत आहेत.

जळगाव तालुक्यातील भोकर येथे दुपारी तीन वाजेच्या सुमारास स्टेट बँकेच्या शाखेत काही दरोडेखोर शिरले. त्यांनी उपस्थित कर्मचाऱ्यांना शस्त्राचा धाक दाखवून रोकड लुटली. काही क्षणांमध्येच त्यांनी रोकडसह तेथून पलायन केलं दरम्यान या घटनेची माहिती मिळताच गावकऱ्यांनी त्यांचा सिनेस्टाईल पाठलाग केला. काही वेळानंतर यातील एक आरोपी हा विदगावजवळ मिळून आल्याने लोकांनी त्याला मार देत पकडून पोलिसांच्या ताब्यात दिले. यावेळी रोकडसह बॅगाही पोलिसांनी हस्तगत केल्या. या घटनेचा अधिकचा तपास पोलीस करत आहेत.

या प्रकरणी माहिती देताना श्रीकांत देवरे पोलीस अधीक्षक म्हणाले की, याप्रकरणी अजूनही गुन्हा दाखल करण्यात आला नाहीये. दरम्या भोकर येथील एसबीआयच्या शाखेत चार जणांना सशस्त्र दरोडा घातला. चोरांनी किती सोनं लंपास केलं याची तपासी अद्याप सुरूय. चार आरोपींना पोलिसांनी ताब्यात घेतलंय. त्यांच्याकडून चार बॅग्सदेखील जप्त केल्या आहेत. त्यांची चौकशी केल्यानंतर पोलिसांकडून प्रेस नोट काढून त्यांच्या नावासह सर्व माहिती देण्यात येईल.