जळगाव : जळके (ता. जळगाव) येथून नाचणखेडा येथे जात असताना पळासखेडा गावाजवळ डंपरने दिलेल्या (Jalgaon) धडकेत दुचाकीस्वाराचा जागीच मृत्यू झाल्याची घटना घडली आहे. याप्रकरणी पोलिसांत (Accident) अपघाताची नोंद करण्यात आली आहे. (Tajya Batmya)
जळगाव तालुक्यातील जळके- विटनेर येथील किराणा दुकानदार कमलाकर मोतीराम पाटील (वय ६४) हे नाचणखेडा येथे वास्तव्यास आहेत. दशक्रिया विधीसाठी कमलाकर पाटील हे दुचाकीने निघाले असताना पळासखेडा (मिराचे) गावाजवळ आले असता समोरून येणाऱ्या डंपरने दुचाकीला धडक देत फरफटत नेले. यात कमलाकर पाटील यांचा जागीच मृत्यू झाला. घटनेनंतर चालक डंपर सोडून पसार झाला. अपघाताची माहिती पोलिसांना (Police) आणि मयताच्या नातेवाइकांना कळवण्यात येऊन तसेच खासगी वाहनाने मृतदेह जळगाव जिल्‍हा रुग्णालयात हलविण्यात आला. यावेळी कुटुंबीयांनी एकच आक्रोश केला.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
डंपर सोडून चालक पसार
अपघातानंतर ग्रामस्थांनी धाव घेतली. गर्दी जमत असल्याचे पाहून वाळूने भरलेलं डंपर सोडून चालकाने पळ काढला. पळासखेडा पोलिस पाटील प्रकाश बिचारे यांनी त्या डंपरची चावी काढून घेत ताब्यात घेवुन ते घरी निघून गेले. थोड्या वेळाने डंपरमधील वाळू खाली करून नंतर अपघाताला कारणीभूत डंपरही जागेवरून गायब झाला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.