बीड : बीड जिल्ह्यात बोगस पिक विमा भरल्याचा धक्कादायक प्रकार समोर आला आहे. या नंतर आता (Crop Insurance) पिकविमा कंपनीकडून स्पॉट तपासणी सुरू करण्यात आली आहे. तर बोगस पीकविमा लुटारुनवर (Beed) फौजदारी गुन्हे दाखल करण्याची मागणी शेतकऱ्यांमधून केली जात आहे. (Live Marathi News)
बीड जिल्ह्यात खरीप हंगाम २०२३ मध्ये शासकीय जमीन, शेत दाखवून पीकविमा लुटारूंनी बोगस पीक विमा भरला होता. पुन्हा रब्बी हंगामातही असाच प्रकार उघडकीस आला आहे. रब्बीचे अंदाजित पेरणी क्षेत्र ३ लाख ३२ हजार ३५३ असून ३ लाख २० हजार ९४ हेक्टरवर पेरणी झाली आहे. परंतु जिल्ह्यातील १२ लाख ३८ हजार ७२ (Farmer) शेतकऱ्यांनी ५ लाख ६७ हजार २८९ हेक्टरचा पीक विमा उतरवला आहे. म्हणजेच २ लाख ४७ हजार १९५ हेक्टरवर अतिरिक्त विमा उतरविण्यात आला आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
पीकविमाचा बोगस भरणा झाल्याचे समोर आल्यानंतर पीक विमा कंपनीकडून (Crop Insurance Company) पंचनामे सुरू झाले आहेत. ज्या शेतकऱ्यांचे क्षेत्र आढळून येणार नाही. त्यांचा विमा रद्द केला जाणार असल्याची माहिती सूत्रांनी दिली आहे. दरम्यान केवळ पिक विमा रद्द करून चालणार नाही. तर अशा बोगस पिकविमा भरणाऱ्यांवर फौजदारी गुन्हे दाखल करावेत; अशी मागणी सर्वसामान्य शेतकऱ्यांमधून केली जात आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.