Samruddhi Mahamarg Accident: समृद्धी महामार्गावर सर्वात मोठी दुर्घटना, सोन्यासारखी १४ माणसं जागेवर गेली; अनेक जखमी

Grader Machine Collapse on Samriddhi Mahamarg: महामार्गाच्या पुलाचे काम सुरू असताना ग्रेडर मशीनसह क्रेन कोसळून १४ कामगारांचा मृत्यू झाला आहे. काळजाचा ठोका चुकवणारी ही घटना ठाण्याजवळ शहापूर तालुक्यातील सरलांबे पुलावर सोमवारी रात्रीच्या सुमारास घडली.
grader machine collapse On Samriddhi Mahamarg thane shahapur 14 people have died so far many injured
grader machine collapse On Samriddhi Mahamarg thane shahapur 14 people have died so far many injured Saam TV

फैयाज शेख, साम टीव्ही

Grader Machine Collapse on Samriddhi Mahamarg: विकासाचा मार्ग म्हणून ओळखल्या जाणाऱ्या समृद्धी महामार्गावरील अपघातांचे सत्र थांबता थांबत नाहीये. काही दिवसांपूर्वी समृद्धी महामार्गावर खासगी बसचा अपघात झाला होता. या अपघातात २५ प्रवाशांचा होरपळून मृत्यू झाला होता. या जखमा ताज्या असतानाच समृद्धी महामार्गावर आणखी एक भयानक दुर्घटना घडली आहे. (Latest News In Marathi)

grader machine collapse On Samriddhi Mahamarg thane shahapur 14 people have died so far many injured
Budhana Bus Accident Updates: समृद्धी महामार्ग बस अपघातानंतर RTO अ‍ॅक्शन मोडमध्ये; पहिलीच मोठी कारवाई

महामार्गाच्या पुलाचे काम सुरू असताना ग्रेडर मशीनसह क्रेन कोसळून १४ कामगारांचा मृत्यू झाला आहे. काळजाचा ठोका चुकवणारी ही घटना ठाण्याजवळ शहापूर तालुक्यातील सरलांबे पुलावर सोमवारी रात्रीच्या सुमारास घडली. या घटनेनं मोठी हळहळ व्यक्त होत आहे.

दरम्यान, घटनेची माहिती मिळताच बचाव पथक आणि पोलिस घटनास्थळी दाखल झाले असून मृतांना बाहेर काढण्याचे काम सुरू आहे. मृतांचा आकडा वाढण्याची शक्यता आहे. घटनास्थळावरून मिळालेल्या माहितीनुसार, समृद्धी महामार्गावर शहापूर तालुक्यातील सरलांबे येथे पुलाचे काम सुरू आहे.

grader machine collapse On Samriddhi Mahamarg thane shahapur 14 people have died so far many injured
Samruddhi Mahamarg Accident : समृद्धी महामार्गावर शहापूरमध्ये मोठा अपघात; निर्माणाधीन पुलावरील ग्रेडर-मशिन कोसळली, अनेक जण दबल्याची माहिती

या ठिकाणी एकूण १७ कामगार आणि ९ इंजिनिअर काम करत होते. सोमवारी रात्रीच्या सुमारास पुलाचे काम सुरू असतानाच अचानक त्यावरील ग्रेडर आणि मशिन खाली कोसळली. या दुर्घटनेत आतापर्यंत १४ जणांचा मृत्यू झाला. तर पाच ते सहा कामगार जखमी असल्याची माहिती आहे.

जखमींना तातडीने उपचारासाठी रुग्णालयात दाखल करण्यात आलं आहे. अजूनही बचावकार्य सुरू असून आता या क्रेन व ग्रेडर खाली किती जण दाबले गेले आहेत, हे संपूर्ण ग्रेडर बाजूला केल्यावर समजले. गेल्या महिनाभरात समृद्धी महामार्गावरील अपघाताची ही दुसरी मोठी घटना असल्याने परिसरातून हळहळ व्यक्त होत आहे.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com