Gold Rate Today: सोन्याच्या दरात आज सर्वात मोठा बदल, खरेदी करण्यापूर्वी वाचा 18-22 आणि 24 कॅरेटचे दर

• जळगावमध्ये आज सोन्याच्या दरात मोठा बदल

• सोन्याच्या दर घसरणीला लागला ब्रेक

• आज २४ कॅरेटचं एक तोळा सोनं १००० रुपयांनी वाढले

• १ किलो चांदी ३००० रुपयांनी महागली

संजय महाजन, जळगाव

सोनं-चांदीच्या दरात गेल्या काही दिवसांपासून घसरण होत होती. पण आज या घसरणीला ब्रेक लागला. जळगावच्या सुवर्ण बाजारात आज सोनं-चांदीच्या दरात मोठा बदल झाल्याचे पाहायला मिळाले. मागील आठवड्यापासून सोनं आणि चांदीच्‍या दरात सातत्‍याने घसरण सुरू होती. पण ३ दिवसांपासून स्थिर असलेल्‍या चांदीच्‍या दराने आज चांगलीच उसळी घेतली. तसेच सोन्‍याच्‍या दरात देखील आज मोठी वाढ झाली आहे. आज २४ कॅरेटच्या १ तोळा सोन्याच्या दरामध्ये १००० रुपयांची वाढ झाली. तर १ किलो चांदी ३००० रुपयांनी महागली. आज सोनं-चांदीच्या दरात वाढ झाल्यामुळे ग्राहकांमध्ये नाराजी पाहायला मिळत आहे.

आंतरराष्ट्रीय बाजारात होत असलेल्‍या बदलाचा परिणाम सोनं- चांदीच्या बाजारात होतो. यामुळे जळगावच्या सुवर्ण बाजारात मागील काही महिन्‍यांपासून स्थिरता पाहायला मिळत नाही. दरम्‍यान मागील आठवड्याच्‍या सुरुवातीपासूनच सोनं-चांदीचे दर सातत्‍याने कमी होत असल्‍याचे दिसून येत हेाते. मात्र आठवडाभर कमी होत असलेल्‍या दरात आज मोठी वाढ झाली. त्यामुळे आज जळगावच्या सराफा बाजाराकडे ग्राहकांनी पाठ फिरवली.

सोमवारी १ तोळा सोन्याचे दर विनाजीएसटी १ लाख ५१ हजार ५०० रुपयांवर होते. या सोन्याच्या दरात आज १००० रूपयांची वाढ होऊन हे सोनं १ लाख ५२ हजार ५०० रुपयांवर आले आहे. तर मागील ३ ते ४ दिवसांपाासून स्‍थिर असलेल्‍या चांदीच्‍या दरात आज तब्बल ३००० रूपयांची वाढ झाली. यामुळे १ किलो चांदीचे विनाजीएसटी दर २ लाख ३६ हजार रुपयांवरून २ लाख ३९ हजार रूपयांवर आले आहेत.

१ तोळा सोन्याचे विना जीएसटी दर किती?

३ सप्‍टेंबर - १ लाख ५३ हजार ५००

४ सप्‍टेंबर - १ लाख ५३ हजार ५००

५ सप्‍टेंबर - १ लाख ५२ हजार ५००

६ सप्‍टेंबर - १ लाख ५२ हजार

७ सप्‍टेंबर - १ लाख ५१ हजार ५००

८ सप्‍टेंबर - १ लाख ५२ हजार ५००

१ किलो चांदीचे विना जीएसटी दर किती?

३ सप्‍टेंबर - २ लाख ३८ हजार

४ सप्‍टेंबर - २ लाख ३८ हजार

५ सप्‍टेंबर - २ लाख ३६ हजार

६ सप्‍टेंबर - २ लाख ३६ हजार

७ सप्‍टेंबर - २ लाख ३६ हजार

८ सप्‍टेंबर - २ लाख ३९ हजार