Gold Price Today: सोन्याच्या दरात पुन्हा मोठी घसरण, १ तोळ्यासाठी किती मोजावे लागणार; वाचा सुवर्णनगरीतील आजचे दर

• जळगावच्या सुवर्णनगरीत सोनं-चांदीच्या दरात आज मोठा बदल झाला

• जळगावमध्ये २४ कॅरेट सोन्याचा दरात ५०० रुपयांची घसरण

• आज १ तोळा सोनं १ लाख ५१ हजार ५०० रूपयांनी विकले जात आहे

• चांदीच्या दरात कोणताही बदल झाला नाही

संजय महाजन, जळगाव

सोनं-चांदीच्या दरामध्ये घसरण सुरूच आहे त्यामुळे ग्राहकांमध्ये आनंदाचे वातावरण आहे. गेल्या काही दिवसांपासून सोनं-चांदीचे दर कमी होत असल्याने ग्राहकांनी खरेदीसाठी सराफा बाजारात गर्दी केली आहे. आज आठवड्याच्या पहिल्या दिवशी जळगावच्या सराफा बाजारात सोन्याच्या दरात पुन्हा बदल झाला आहे. आज २४ कॅरेटच्या १ तोळा सोन्याच्या दरामध्ये ५०० रुपयांची घसरण झाली आहे. तर चांदीच्या दरात आज कोणताही बदल झाला नाही.

जळगाव सुवर्ण बाजारात गेल्या आठवड्याच्‍या सुरुवातीला सोने-चांदीचे भाव कमी झाले होते. त्यानंतर सलग तीन दिवस भावात घसरण झाली. मात्र, आठवड्याच्‍या शेवटी सोनं– चांदीच्‍या दरात फारसा बदल झाला नसल्‍याचे चित्र पाहायला मिळत आहे. अशातच मागील ३ दिवसांपासून चांदीचे दर स्थिरावले असून सोन्‍याच्‍या दरात देखील किरकोळ घसरण झाली आहे. सोन्याच्या दरात रोज होणारी घसरणीमुळे ग्राहकांना दिलासा मिळाला.

आंतरराष्ट्रीय बाजारात सातत्‍याने होत असलेल्‍या बदलाचा परिणाम सोनं-चांदीच्या बाजारात होत असतो. दरात सातत्याने बदल होत असताना गेल्‍या आठवड्याच्‍या सुरुवातीपासूनच सोने-चांदीचे भाव कमी झाले हेाते. पहिल्‍या ३ दिवसांत सोनं- चांदीचे भाव कमी झाले होते. पण बुधवारी २ तारखेपासून दरात स्थिरता आली आहे. हिच स्थिती आज ७ सप्टेबरला म्हणजे आठवड्याच्‍या पहिल्‍याच दिवशी देखील कायम राहिली आहे.

६ सप्‍टेंबरला २४ कॅरेटच्या १ तोळा सोन्याचा विनाजीएसटी भाव १ लाख ५२ हजार रुपयांवर होता. हे दर आज ७ सप्टेंबर रोजी ५०० रूपयांनी कमी होवून १ लाख ५१ हजार ५०० रूपयांवर आले आहेत. तर चांदीचे प्रतिकिलो भाव गेल्या ३ दिवसांपासून विनाजीएसटी २ लाख ३६ हजार रूपयांवर कायम आहेत.