MLA Lata Sonawane Car Accident: शिंदे गटाच्या आमदार लता सोनवणेंच्या कारला भरधाव डंपरने दिली धडक; अपघातातून थोडक्यात बचावल्या

Jalgaon News: शिंदे गटाच्या आमदार लता सोनवणे यांच्या कारला अपघात झाल्याची घटना घडली. सोनवणे यांच्या कारला भरधाव डंपरने धडक दिली. या अपघातात आमदार सोनवणे थोडक्यात बचावल्या आहेत. सोनवणे यांच्या कारला अपघात शनिवारी झाला. सोनवणे यांचा चोपड्यातून जळगावला येताना हा अपघात झाला. (Latest Marathi News)

मिळालेल्या माहितीनुसार, चोपडावरून जळगावला येताना आमदार लता सोनवणे यांची कार डंपरला धडकली. या अपघातात लता सोनवणे थोडक्यात बचावल्या. लता सोनवणे यांच्या दोन्ही हातांना मार लागला आहे . अपघातानंतर सोनवणे यांना रुग्णालयात दाखल करण्यात आलं.

अपघाताची माहिती माजी आमदार चंद्रकांत सोनवणे यांनी दिली आहे. चंद्रकांत सोनवणे पुढे म्हणाले, 'या अपघातात एका व्यक्तीचा मृत्यू झाला आहे. तर सुदैवाने आम्ही या अपघातातून सुखरूप बचावलो आहोत.

बुलढाण्यात ट्रॅक्टर उलटून चालक ठार!

बुलढाण्यात (Buldhana) देखील भीषण अपघात झाला आहे. या भीषण अपघातात ट्रॅक्टर उलटून चालक जागीच ठार झाल्याची धक्कादायक घटना घडली. बुलढाण्यातील खामगाव तालुक्यातील लाखनवाडा - जयरामगड रोडवर ही घटना घडली आहे.

नेमका अपघात कसा झाला?

संतोष श्रीकृष्ण गवई वय (३२ वर्षे रा. कंचनपुर ता.खामगाव) हा नांगरटी करण्यासाठी कंचनपूरहून लाखनवाडा येथे गेला होता. नांगरटी करून तो पुन्हा कंचनपूर येथे परत येत होता. त्यावेळी त्याचे ट्रॅक्टरवरील नियंत्रण सुटल्याले ट्रॅक्टर पलटी झाला आहे. त्याच ट्रॅक्टर खाली येऊन संतोष श्रीकृष्ण गवई याचा जागीच मृत्यू झाला. घटनेची माहिती मिळताच पोलीस घटनास्थळी दाखल झाले आणि पाहणी केली.