माढा लोकसभा मतदारसंघात राष्ट्रवादीने महायुतीचा धर्म पाळला नाही यासाठी भाजपच्या शिष्टमंडळाने पश्चिम संघटन महामंत्री मकरंद भाऊ देशपांडे यांना नुकताच अहवाल दिला. या अहवालात राष्ट्रवादी काॅंग्रेस पक्षावर कारवाई व्हावी तसेच आमदार रणजीतसिंह मोहिते पाटील यांचे निलंबन करावे अशी मागणी करण्यात आली आहे.
माढा लोकसभा मतदारसंघात भाजप खासदार रणजीतसिंह नाईक निंबाळकर यांचा पराभव झाला. या पराभवाच्या कारणांमध्ये रणजीतसिंह मोहिते पाटील हे एक प्रमुख कारण मानले जात आहे. त्यांचे निलंबन करावे अशी मागणी कार्यकर्ते व पदाधिकारी यांनी नुकत्याच झालेल्या बैठकीत ठरावा घेऊन केली.
विधान परिषदेचे माजी सभापती आणि फलटणचे राष्ट्रवादी अजित पवार गटाचे नेते रामराजे नाईक निंबाळकर यांच्यावर सुद्धा शिस्त भांगाच्या कारवाईची मागणी या बैठकीत करण्यात आली आहे. तसेच येणाऱ्या निवडणुकीत राष्ट्रवादी अजित पवार गटा सोबत न जाता स्वबळावर निवडणुका लढवण्याची मागणी भाजप कार्यकर्ते, पदाधिका-यांनी केली आहे. या सर्व मागणीचे ठराव बैठकीत झाल्याची सूत्रांची माहिती आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.