Konkan Politics: राणे-सामंतांच्या बॅनर वाॅरवरुन विनायक राऊतांचा चिमटा (पाहा व्हिडिओ)

राणे आणि सामंत यांच्यामधील वाद हा इटूकले-पिटुकले असा आहे अशी खाेचक प्रतिक्रया शिवसेना उद्धव ठाकरे गटाचे माजी खासदार विनायक राऊत यांनी व्यक्त केली आहे. मी त्यांच्या बॅनरबाजीच्या वादाला फार किंमत देत नाही असेही राऊत यांनी म्हटले.

लाेकसभा निवडणुकीच्या निकालानंतर काेकणात बॅनरबाजीला ऊत आला आहे. विशेष म्हणजे ही बॅनरबाजी भाजप आणि मुख्यमंत्री एकनाथ शिंदे यांच्या शिवसेनेत सुरु आहे. एकीकडे उद्याेगमंत्री उदय सामंत यांचे कार्यकर्ते तर दूसरीकडे भाजप खासदार नारायण राणे यांचे कार्यकर्ते बॅनरबाजी करीत आहेत. यामधून दाेन्ही गट अप्रत्यक्षरित्या एकमेकांना टाेला लगावात असल्याची चर्चा आहे.

या बॅनरबाजी बद्दल माजी खासदार विनायक राऊत यांनी मार्मिक प्रतिक्रिया दिली. ते म्हणाले राणे आणि सामंत यांच्यामधील वाद हा इटूकले-पिटुकले असा आहे. त्यामुळे मी फार त्यांना किंमत देत नाही. बॅनरबाजीच्या प्रकारावर माझा कधी विश्वास नसतो. बॅनरबाजी करण्यापेक्षा रणांगणात उतरून विकासात्मक स्पर्धा करण्याची आवश्यकता असते असेही विनायक राऊत यांनी नमूद केले.

Edited By : Siddharth Latkar