Bhandara Temperature : सूर्य आग ओकतोय; भंडाऱ्याचा पारा ४३ अंशाच्या वर

शुभम देशमुख 
भंडारा : यंदाचा उन्हाळा अधिक तापदायक राहणार असल्याची शक्यता हवामान विभागाकडून वर्तविण्यात आली आहे. राज्यातील बहुतांश शहरातील (temperature) तापमान हे मार्चमध्येच ४० अंशाच्या वर गेले असून (Bhandara) भंडारा जिल्ह्यातील पारा हा आता ४३ अंशाच्या वर गेल्याने अंगाची लाहीलाही होत आहे. (Maharashtra News)

उन्हाची तीव्रता (High Temperature) यंदा अधिक जाणवत आहे. यंदा उशिराने उन्हाची तीव्रता जाणविण्यास सुरवात झाली असली तरी अधिक तापदायक जाणवत आहे. राज्यातील (Jalgaon) जळगाव, धुळे, नागपूर, भंडारा, अकोला या शहरातील तापमान मार्च महिन्याच्या शेवटच्या आठवड्यातच ४० अंशाच्या वर गेल्याचे पाहण्यास मिळाले. तर एप्रिल महिन्याची सुरवात झाली तेव्हापासून दुपारच्या वेळचे तापमान ४२ अंशाच्या पार पोहचले आहे. 

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

एप्रिल महिन्याच्या सुरुवातीपासूनच उन्हाचा तडाखा प्रचंड वाढला आहे. उन्हाळ्याची चाहूल लागताच राज्यात तापमानाचा पार वाढण्यास सुरुवात झाली आहे. एप्रिल महिन्यातच सूर्य आग ओकतोय की काय अशी परिस्थिती निर्माण झाली असुन आजघडीला भंडारा जिल्हा पारा ४३ अंश सेल्सिअस असून नागरिक घराबाहेर पडण्यास नकारात्मकता दर्शवीत आहेत.