Badlapur Crime : लग्नात भेट देण्यासाठी चक्क चोरला टीव्ही; इलेक्ट्रॉनिक्स दुकानातच केला हात साफ

बदलापूर : लग्नात भेट देण्यासाठी मोठमोठ्या वस्तू खरेदी करून दिल्या जात असतात. मात्र लग्नात भेट (Badlapur) देण्यासाठी एकाने चक्क दुकानातूनच टीव्ही चोरीला नेल्याची घटना समोर आली आहे. हा प्रकार बदलापूरमध्ये घडला आहे. (Live Marathi News)

बदलापूरच्या बेलवली परिसरात माऊली इलेक्ट्रॉनिक्स दुकान आहे. दरम्यान या दुकानात ६ फेब्रुवारीच्या रात्री एक व्यक्ती दुकानात टीव्ही खरेदी करण्यासाठी आला होता. त्याने दुकानात वेगवेगळ्या कंपनीचे टीव्ही बघितले. सगळ्यांच्या किंमती विचारल्या. हे झाल्यानंतर दुकानदार व नोकरांची (Theft) नजर चुकवत या चोरट्याने ३२ इंची एलईडी टीव्ही लंपास केला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बिल बनवत असतानाच झाला पसार 

दुकानातील नोकर एका टीव्ही खरेदीचे बिल बनवत असताना या चोरट्याने संधी साधली व टीव्ही घेऊन पसार झाला. ही संपूर्ण घटना दुकानात असलेल्या (CCTV) सीसीटीव्ही कॅमेरात कैद झाली आहे. याप्रकरणी बदलापूर पश्चिम पोलीस ठाण्यात गुन्हा दाखल करण्यात आला असून पोलीस चोरट्याचा शोध घेत आहे.