Badlapur Shri Ram Mahotsav : बदलापूरात श्रीराम महोत्सव, साेमवारी मांस, मद्य विक्री बंद ठेवावी : भाजपची मागणी

Badlapur News :

अयोध्या येथील श्रीराम मंदिर लोकार्पण सोहळ (Ram Mandir Inauguration) निमित्त अंबरनाथ तालुका अध्यात्मिक उत्सव समिती आणि आमदार किसन कथोरे मित्र मंडळ यांच्यावतीने श्रीराम महोत्सव आयोजित करण्यात आला आहे. दरम्यान बदलापूर मध्ये साेमवारी (ता. 22) मटण, मच्छी तसेच मद्य विक्री बंद ठेवण्याचे आवाहन भाजपाने केले आहे. (Maharashtra News)

बदलापूर शहरातील गांधी चौकात असलेल्या मराठी शाळेच्या पटांगणात हा महोत्सव साजरा केला जात आहे. या महोत्सवात प्रभू श्रीरामचंद्र यांच्या जीवनावर आधारित गीतरामायण व भजन संध्या तसेच या महोत्सवात श्रीराम मंदिराची भव्य प्रतिकृती उभारण्यात आली आहे.

18 फूट लांब आणि 25 फूट उंच अशी ही प्रतिकृती पाहण्यासाठी नागरिक गर्दी करत आहे. तसेच या श्रीराम महोत्सवात प्रभू श्रीराम कथेवर आधारित भव्य असे चित्र प्रदर्शन ठेवण्यात आले आहे. या चित्र प्रदर्शनात राम जन्मापासून सीता हरण असे सर्व प्रसंग यात दाखवण्यात आले आहेत.

मटण, मद्य विक्री दुकाने बंद ठेवा

अयोध्या येथील श्रीराम मंदिर लोकार्पण सोहळा 22 जानेवारी रोजी पार पडत आहे. त्यानिमित्त देशभरात उत्साहाचे वातावरण आहे. यानिमित्त बदलापूर मध्ये चिकन, मटण, मच्छी तसेच मद्य विक्री बंद ठेवण्याचे आवाहन भाजपच्या वतीने करण्यात आले आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या दिवशी शहरात विविध कार्यक्रम ठेवण्यात आले असल्याने अशा चांगल्या दिवशी कोणत्याही प्रकारे पशु हत्या होऊ नये यासाठी हे आवाहन करण्यात आले असल्याचे भाजप नगरसेवक राजेंद्र घोरपडे यांनी म्हटले आहे. याबाबत नगरपालिका आणि पोलीस स्टेशनला पत्र दिल्याचे राजेंद्र घोरपडेंनी नमूद केले.

Edited By : Siddharth Latkar