Bike Accident : दोन दुचाकीमध्ये भीषण अपघात; एका तरुणाचा मृत्यू, घटना सीसीटिव्हीमध्ये कैद

अंबरनाथ : अंबरनाथमध्ये समोरासमोरून येणाऱ्या दोन दुचाकीमध्ये भीषण अपघात घडला. या अपघातात (Ambarnath) एका तरुणाचा मृत्यू झाला आहे. तर अन्य जखमी आहे. (Accident) अपघाताची संपूर्ण घटना सीसीटिव्हीमध्ये कैद झाली आहे. (Tajya Batmya)

अंबरनाथ नगर पालिकेअंतर्गत असलेल्या नालंबी रस्त्यावरील आनंदी लॉन्ससमोर अरुंद रस्ता आहे. या रस्त्यामुळे वाहने चालविणे जिकरीचे जात असते. अशात या रस्त्यावरून वेगाने येत असलेल्या दोन दुचाकी समोरासमोर धडकल्या. समोरासमोर धडकून दुचाकीमध्ये झालेल्या भीषण अपघातात एका तरुणाचा जागीच मृत्यू झाला आहे. तर दुसरा दुचाकीस्वार जखमी झाला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अरुंद रस्त्याचा प्रश्न कायम 

अंबरनाथ नगरपालिकेने नालंबी रस्त्याच्या रुंदीकरणासाठी कोट्यवधी रुपये निधी खर्च केलेला असताना देखील विकास आराखडा प्रमाणे हा रस्ता अद्यापही झालेला नाही. अरुंद रस्त्यामुळे अपघातांची संख्या वाढली आहे. अशाच एका अपघातात एका तरुणाला आपला जीव गमवावा लागला आहे.