Mahindra Scorpio N: कार खरेदीचा प्लॅन आहे? थांबा! Mahindra Scorpio N Facelift लवकरच येणार; जाणून घ्या फीचर्स, किंमत

तुम्ही येत्या वर्षात नवीन कार खरेदी करण्याचा विचार करत असाल तर थांबा. येत्या वर्षात महिंद्राची लोकप्रिय SUV स्कॉर्पियो N लवकरच बाजारात दाखल होणार आहे. कार प्रेमींसाठी ही सगळ्यात बेस्ट कार असणार आहे. मीडिया रिपोर्ट्सनुसार Mahindra Scorpio N Facelift भारतात 2026 च्या पहिल्या महिन्यात एक दमदार कार लॉन्च करण्याची शक्यता आहे.

स्कॉर्पियो N चा मिड-लाइफ अपडेट असेल आणि 2026 मध्ये महिंद्राकडून सादर होणारा मोठा फेसलिफ्ट मॉडेल ठरणार आहे. याआधी कंपनी XUV 7XO म्हणजेच सध्याच्या XUV700 चे अपडेटेड व्हर्जन बाजारात आणणार आहे. तसेच महिंद्रा स्कॉर्पियो N मजबूत बॉडी, दमदार इंजिन आणि उत्कृष्ट ऑफ-रोडिंग क्षमतेसाठी ओळखली जाते.

फेसलिफ्टच्या मदतीने या कारमध्ये जास्त प्रीमियम लूक आणि अपडेट्स फिटर्स पाहायला मिळण्याची शक्यता आहे. एक्सटीरियर डिझाइनमध्ये हेडलाइट्स, टेल-लाइट्स आणि फॉग लॅम्प्सच्या डिझाइनमध्ये बदल होण्याची शक्यता आहे. याशिवाय SUV मध्ये नवीन ट्रिम एलिमेंट्स आणि फ्रेश अलॉय व्हील डिझाइन दिले जाऊ शकते. मात्र, अलॉय व्हीलचा साइज सध्याच्या 18-इंचप्रमाणेच ठेवला जाण्याची शक्यता वर्तवली जात आहे.

इंटीरियरबाबत सध्या अधिकृत माहिती उपलब्ध नाही. मात्र, महिंद्राच्या अलीकडील मॉडेल्स पाहता फीचर्समध्ये मोठे अपडेट मिळणे जवळपास निश्चित मानले जात आहे. यामध्ये सध्याच्या ८ इंच टचस्क्रीनऐवजी 10.25 इंचाचा मोठा इंफोटोनमेंट सिस्टम देण्यात येऊ शकतो. त्यामध्ये थ्री-रो सीटिंग लेआउट असेल, ADAS फीचर सेट, 12-स्पीकर सोनी साउंड सिस्टम आणि ड्यूल-झोन क्लायमेट कंट्रोलसारखे प्रीमियम फीचर्स फेसलिफ्ट मॉडेलमध्येही मिळण्याची शक्यता आहे.

पॉवरट्रेनच्या बाबतीत मात्र कोणताही बदल होण्याची अपेक्षा नाही. नवीन स्कॉर्पियो N मध्ये सध्याप्रमाणेच 2.0-लीटर टर्बो पेट्रोल आणि 2.2-लीटर डिझेल इंजिनचे पर्याय मिळतील. हे दोन्ही इंजिन 6-स्पीड मॅन्युअल आणि ऑटोमॅटिक गिअरबॉक्ससह उपलब्ध असतील. डिझेल व्हेरिएंटच्या निवडक टॉप मॉडेल्समध्ये 4x4 सिस्टमही देण्यात येईल.

फेसलिफ्ट महिंद्रा स्कॉर्पियो N ची संभाव्य किंमत सुमारे 14 लाख ते 26 लाख रुपयांच्या दरम्यान असू शकते. नव्या अपडेट्ससह ही SUV पुन्हा एकदा भारतीय बाजारात मोठी चर्चा निर्माण करेल, अशी अपेक्षा व्यक्त केली जात आहे.