पावसात निसर्गाचे सौंदर्य खुलून येते. या सौंदर्याचा आस्वाद घेण्यासाठी पर्यटक आवर्जून निसर्गरम्य ठिकाणांना भेट देतात. सध्या कोल्हापूरमधील पालेश्वर धबधब्याचा एक सुंदर व्हिडीओ समोर आला आहे. या धबधब्याने पर्यटकांचे लक्ष वेधून घेतलं आहे. डोळ्यांचे पारणे फेडणारे हे सौंदर्य आहे.
महाराष्ट्रात अनेक धबधबे आहेत आणि पावसात यांच्या सौंदर्याला चार चाँद लागते. कोल्हापूर मधील पालेश्वर धबधब्याचा सुरेख नजारा ड्रोन कॅमेरात कैद झाला आहे. कोल्हापूर मधील शाहुवाडी तालुक्यातील पालेश्वर धबधबा सध्या पर्यटकांचे आकर्षण बनला आहे. निसर्गाचा सुंदर देखावा पाहण्यासाठी लोक येथे आवर्जून येत आहेत. धरण भरल्यानंतर कमी उंचीवरून वाहणाऱ्या धबधब्याला पाहण्याचा अनुभव मनाला सुखावून जातो. निसर्गाचे अद्भूत रूप येथे पाहायला मिळत आहे. फेसाळलेल्या धबधब्याचे रूप पाहण्यासाठी पर्यटकांची पावले आपसूक धबधब्याकडे जात आहेत.
पश्चिम घाटात निसर्गाच्या कुशीत वसलेल्या पालेश्वर धबधब्याचे ड्रोनद्वारे दृश्य कैद करण्यात आले आहे. धबधब्याच्या मनमोहक रूपाने तिथला निसर्ग उजळून निघाला आहे. मागील काही दिवसांपासून पालेश्वर धबधबा पूर्ण क्षमतेने प्रवाहित होताना पाहायला मिळत आहे. धरण भरल्यानंतर पाण्याचा विसर्ग जिथून होतो तिथून हा निसर्ग पाहण्याचा एक वेगळाच अनुभव आहे. पालेश्वर धबधब्याचा आनंद लुटण्यासाठी पर्यटक आतूर झाल्याचे पाहायला मिळत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.