IRCTC Kerala Package: हिरवा निसर्ग, अथांग समुद्र अन् बरंच काही; IRCTC सोबत केरळची ही ट्रिप नक्कीच करा

पावसाळा सुरु झाला आहे. पावसाळ्यात फिरण्याची मजा काही वेगळीच असते. पावसाळ्यानंतर सर्वत्र हिरवागार निसर्ग पाहायला मिळतो. हिरवागार निसर्गाचा अनुभव घेण्यासाठी ऑक्टोबर हा महिना एकदम परफेक्ट आहे. ऑक्टोबर महिन्यात तुम्ही भारतातील अनेक ठिकाणांना भेट देऊ शकतात. ऑक्टोबर महिन्यात केरळमधील निसर्ग अजूनच बहरतो. ऑक्टोबर महिन्यात केरळ फिरण्यासाठी आयआरसीटीसीने पॅकेज लाँच केले आहे.

आयआरसीटीसीच्या या पॅकेजचे नाव सेलेस्टियल केरळ टूर असे आहे. ही टूर ५ रात्री आणि ६ दिवसांची असणार आहे. या ट्रिपमध्ये तुम्हाला फ्लाइटने प्रवास करायला मिळणार आहे. या ट्रिपमध्ये तुम्हाला कोची, कुमारकोम, मुन्नार, थेक्कडी या ठिकाणांना भेट द्यायला मिळणार आहे.

या ट्रिपसाठी तुम्हाला राउंट ट्रिप फ्लाइट तिकिटे मिळतील. राहण्यासाठी ३ स्टार हॉटेलची सुविधा असणार आहे. या पॅकेजमध्ये ब्रेकफास्ट आणि डिनरचा समावेश असणार आहे. तसेच पॅकेजमध्ये प्रवास विमा मिळणार आहे.

या ट्रिपमध्ये तुम्ही जर एकटे प्रवास करत असाल तर तुम्हाला ५४,३०० रुपये खर्च येईल. जर दोन जण ही ट्रिप करत असतील तर त्यांना प्रति व्यक्ती ४१,३०० रुपये भरावे लागणार आहे. तीन जणांचा ग्रुप असेल तर त्यांना ४०,००० रुपये प्रति व्यक्ती शुल्क भरावे लागणार आहे. लहान मुलांसाठी वेगळे शुल्क आकारण्यात येणार आहे. ५-११ वर्षांमधील मुलाच्या बेडसाठी तुम्हाला ३६,१०० रुपये भरावे लागतील तर बेडीशिवाय ३१,९०० रुपये द्यावे लागतील.

आयआरसीटीसीने एक्स या अकाउंटवरुन ही माहिती दिली आहे. जर तुम्हाला केरळची ट्रिप करायची असेल तर तुम्हाला आयआरसीटीसीच्या वेबसाइटवर किंवा प्रादेशिक कार्यालयात जाऊन बुकिंग करता येईल.