Banana Leaf Benefits: केळीच्या पानांवर जेवून तर पाहा; त्वचा होईल तजेलदार आणि मुलायम

हिंदू धर्मामध्ये केळीच्या पानाला खूप महत्त्व आहे. केळीचे झाड भगवान विष्णूला प्रिय आहे. वास्तुशास्त्रानुसार केळीचे झाड घराच्या समोर लावल्यास शुभ मानले जाते. पूर्वी केळीच्या पानावर जेवण जेवले जात होते. पण आजकाल बदलत्या जीवनशैलीमुळे लोक स्टील किंवा काचेच्या ताटामध्ये जेवतात. फक्त पूजा किंवा एखाद्या प्रसंगादरम्यान आपण केळीचे पान जेवण्यासाठी वापरतो. पण रोज केळीच्या पानात जेवण केल्यामुळे आरोग्यास असंख्य फायदे मिळतात.

केळीच्या पानाचे पोषक घटक

केळीच्या पानामध्ये फायबर , व्हिटामिन्सचे प्रमाण जास्त असते. ज्यामुळे शरीराला चांगले पोषण मिळते. तसेच केळीच्या रसामध्ये सायट्रिक ॲसिडी, कॅल्शियम, व्हिटॅमिन ए, व्हिटॅमिन सी आणि पॉलिफेनॉल असते. केळीच्या पानावर गरम जेवण वाढल्याने केळीच्या पानातील पोषक घटक जेवणामध्ये उतरतात.

आजारांपासून संरक्षण

केळीच्या पानावर जेवल्यास रक्तदाब कमी होतो आणि हृदयाचे आरोग्य उत्तम राहते. केळीच्या पानावर जेवण करण्याआधी त्यांची नीट स्वच्छता करणे महत्वाचे आहे.

त्वचेचे आरोग्य

केळीच्या पानामध्ये असलेले अँटीऑक्सिडंट्स जेवणावाटे पोटात जातात. त्यामुळे त्वचा दीर्घकाळ तजेलदार राहते. त्वचेच्या समस्या दूर करण्यास केळीचे पान मदत करते. चेहऱ्यावरील पुरळ, काळे डाग, मुरुमांची संख्या कमी होते. त्वचेला कोणती अ‍ॅलर्जी झाली असल्यास केळीचे पान रामबाण उपाय आहे. केळीचे पान चेहऱ्यावरील लाल डाग, खाज दूर करते. तुम्ही केळीच्या पानावर खोबरेल तेल लावून ते पान चेहऱ्यावर फिरवू शकता. यामुळे त्वचा मुलायम राहते.

पोटाचे आरोग्य

केळीच्या पानावर जेवण केल्याने पोटाचे आजार बरे होतात. तसेच आपली रोगप्रतिकार शक्ती वाढते. ताप-सर्दी, जुलाबाच्या त्रास होत असल्यास केळीच्या पानात जेवणे फायदेशीर राहते. तसेच केळीच्या रसातील घटक बद्धकोष्ठतेची समस्येवर आराम देतात. तुम्हाल अशक्तपणा जाणवत असल्यास केळीच्या पानावर जेवण करा.

टीप : सदर लेख फक्त सामान्य माहितीसाठी आहे. अधिक तपशीलांसाठी डॉक्टरांशी संपर्क साधा.