Diwali Gifts: मिठाईंना बाय-बाय! या दिवाळीत द्या अशा प्रीमियम भेटवस्तू ज्या ३ महिन्यांपर्यंत खराब होणार नाहीत

दिवाळीला मिठाईचा खप मोठ्या प्रमाणात होतो. कारण येणाऱ्या पाहूण्यांना लोक दिवाळीच्या शुभेच्छांसोबत मिठाईचा बॉक्स देत असतात. मात्र बरेच जण मिठाई खात नाहीत. अशावेळेस ती फेकून द्यावी लागते. या ऐवजी तुम्ही काही गिफ्ट हॅम्पर दिलेत तर त्या वस्तु ३ महिने टिकतील आणि दिवाळीसाठी हे परफेक्ट गिफ्ट असेल.

दिवाळी जवळ येताच बाजारपेठा रंगीबेरंगी रोषणाईने उजळून निघतात. घरांची सजावट, कपडे, मिठाई आणि भेटवस्तूंची खरेदी यामुळे सगळीकडे उत्साहाचे वातावरण पाहायला मिळतं. मात्र यावर्षी गोड पदार्थांना मागे टाकत लोक एक वेगळ्या प्रकारच्या भेटवस्तूंना घरेदी करण्याचा निर्णय घेत आहेत. त्यासाठी काही सुटकेस हॅम्परचा वापर तुम्ही करु शकता.

सूटकेस हॅम्पर

दिवाळीत पारंपरिक मिठाईऐवजी लोक आता लक्झरी गिफ्ट हॅम्पर्सकडे वळले आहेत. रायपूर, पुणे, मुंबई, दिल्लीसारख्या शहरांत 'सूटकेस हॅम्पर्स'ची मागणी वाढली आहे. यात बाकलावा, ड्रायफ्रूट्स, कुकीज आणि चॉकलेट्स असतात जे ३ महिने टिकतात. व्यापाऱ्यांच्या मते, ही भेट फक्त गोड नाही, तर प्रीमियम फील देणारी आहे.

हेल्थ-कॉन्शस लोकांसाठी गिफ्ट हॅम्पर

अनेकजण आरोग्याबद्दल जागरुक झाले आहेत. त्यामुळे साखरेच्या मिठाईऐवजी लोक शुगर फ्री बेक्ड पदार्थ, ओट्स कुकीज, ट्रेल मिक्स, आणि ऑरगॅनिक स्नॅक्स हॅम्पर्स भेट देत आहेत. हे हॅम्पर्स केवळ आरोग्यदायी चांगले आणि २-३ महिने खराबही न होणारे असतात.

कस्टमाइज्ड लक्झरी हॅम्पर्स

ऑनलाइन स्टोअर्स आणि स्थानिक बेकरीज ग्राहकांसाठी कस्टमाइज हॅम्पर्स देत आहेत. थीम बेस्ड हॅम्पर्स जसे की Wellness Box,Tea Lovers Hamper, Chocolate Luxe Pack यांची मागणी झपाट्याने वाढते आहे. ग्राहक आपल्या आवडीचे पदार्थ, सुगंधी मेणबत्त्या, आणि लहान शोपीसेसही यात घेऊ शकतात.