Priyanka Chopra Photos : डोळ्यात आग अन् रक्ताने माखलेले शरीर; 'द ब्लफ'मधील प्रियंका चोप्राचा खतरनाक लूक समोर, रिलीज डेट काय?

बॉलिवूडची 'देसी गर्ल' प्रियंका चोप्रा कायम कोणत्या ना कोणत्या कारणामुळे चांगलीच चर्चेत असते. प्रियंका चोप्राने बॉलिवूड सोबतच हॉलिवूड देखील गाजवत आहेत. तिच्या दमदार अभिनयाचे चाहते दिवाने आहेत. तिने आजवर अनेक सुपरहिट चित्रपट केले आहेत. अलिकडेच ती एस एस राजामौली यांच्या 'वाराणसी' चित्रपटामुळे चर्चेत होती. आता मात्र ती तिच्या हॉलिवूड चित्रपटामुळे चर्चेत आली आहे.

प्रियंका चोप्राचा 'द ब्लफ' हा आगामी हॉलिवूड चित्रपट लवकरच प्रेक्षकांच्या भेटीला येणार आहे. चित्रपटाची रिलीज डेट आणि सिनेमातील तिचा फर्स्ट लूक समोर आला आहे. 'द ब्लफ'मध्ये ती एका समुद्री डाकूच्या भूमिकेत दिसणार आहे. याची खास पोस्ट प्रियंका चोप्राने सोशल मीडियावर शेअर केली आहे. या पोस्टमध्ये तिचे चित्रपटातील लूक पाहायला मिळत आहे. ज्यात 'देसी गर्ल' खूपच खतरनाक दिसत आहे. फोटोंमध्ये ती खून-खराबा करताना दिसत आहे.

प्रियंकाच्या डोळ्यात आग, हातात बंदूक आणि रक्ताने माखलेले शरीर पाहून अंगावर काटा येईल. प्रियंका चोप्रा ॲक्शन मोडमध्ये पाहायला मिळत आहे. तिचा हा अवतार पाहून प्रियंकाचा नवरा निक जोनासही थक्क झाला आहे. त्याने तिचे भरपूर कौतुक केले आहे. या चित्रपटात समुद्री डाकू 'ब्लडी मेरी'ची गोष्ट पाहायला मिळणार आहे. जी कुटुंबाची रक्षा करताना दिसणार आहे.

'द ब्लफ' रिलीज डेट?

'द ब्लफ' चित्रपट 25 फेब्रुवारी 2026 ला रिलीज होणार आहे. हा चित्रपट प्राइम व्हिडीओवर पाहता येणार आहे.

'द ब्लफ' स्टारकास्ट

'द ब्लफ' चित्रपट रुसो ब्रदर्स निर्मित आणि फ्रँक ई. फ्लॉवर्स दिग्दर्शित आहे. तसेच या चित्रपटात तगडी स्टार कास्ट पाहायला मिळत आहे. यात प्रियंका चोप्रासोबत कार्ल अर्बन, टेमुएरा मॉरिसन आणि इस्माइल क्रूझ कॉर्डोवा यांसारखे दमदार कलाकार महत्त्वाच्या भूमिकेत झळकणार आहेत.