Parineeti Chopra Baby Name : परिणीती चोप्रा अन् राघव चड्ढाच्या लेकाचं बारसं, नावाचा अर्थ सांगत शेअर केला फोटो

बॉलिवूड अभिनेत्री परिणीती चोप्राने गेल्या महिन्यात 19 ऑक्टोबरला गोंडस मुलाला जन्म दिला. परिणीती आणि राघव चड्ढा आई-बाबा झाले. चाहते त्यांच्या बाळाला पाहण्यासाठी खूप उत्सुक असल्याचे पाहायला मिळाले. अशात आता परिणीती चोप्राचे आपल्या लेकाची पहिली झलक दाखवली आहे. तसेच त्यांनी आपल्या मुलांचे बारसं केले आहे. परिणीती आणि राघवने मुलाचे नाव खूपच युनिक ठेवले आहे.

परिणीती-राघवने सोशल मीडियावर एक पोस्ट केली आहे. ज्यात त्यांनी बाळासोबत दोन फोटो शेअर करून त्याचे नाव सांगितले आहे. तसेच परिणीतीच्या मुलाच्या नावाचा अर्थ नावासारखा खूप खास आहे. पहिल्या फोटोमध्ये बाळाचे पाय दिसत आहेत. ज्याला परिणीती-राघव प्रेमाने किस करत आहेत. तर दुसऱ्या फोटोमध्ये बाळाचे पाय आणि परिणीती-राघवचे हात दिसत आहे. एक सुखी कुटुंबाचे चित्र पाहायला मिळत आहे.

नाव आणि अर्थ

परिणीती-राघवच्या मुलाचे नाव 'नीर' (Neer) असे आहे. या नावाचा अर्थ परिणीतीने कॅप्शनमध्ये सांगितला आहे. तिने लिहिलं की, "जलस्य रूपम्, प्रेमस्य स्वरूपम् - तत्र एव नीर..." 'नीर' या शब्दाचा अर्थ शुद्ध, दिव्य, अमर्याद असा आहे. परिणीती-राघवच्या पोस्टवर चाहते आणि कलाकारांकडून कमेंट्सचा आणि शुभेच्छांचा वर्षाव होत आहे.

लग्नगाठ

बाळाच्या जन्मानंतर एका महिन्याने म्हणजे (19 नोव्हेंबर) ला परिणीती-राघवने बाळाची पहिली झलक दाखवली. परिणीती चोप्रा आणि राघव चड्ढा यांचे लग्न 24 सप्टेंबर 2023 ला झाले. लग्नानंतर दोन वर्षांनी हे कपल आई-बाबा झाले. परिणीती चोप्राला 'इशकजादे' चित्रपटामुळे खूप लोकप्रियता मिळाली आहे. तिचे शुद्ध देसी रोमान्स, हसी तो फसी,दावत ए इश्क आणि अमर सिंह चमकीला असे अनेक चित्रपट आहेत.