Rishab Shetty: सहावीत असतानाच पाहिलं होतं स्वप्न; आज बनला सर्वोत्कृष्ट अभिनेता

सहावीत असताना ऋषभ शेट्टीने चित्रपटात काम करण्याचं स्वप्न पाहिलं होतं, आज ते स्वप्न पूर्ण होत त्याचा मोठा पुरस्कारदेखील मिळाला. आज 70 व्या राष्ट्रीय चित्रपट पुरस्कारांची आज घोषणा करण्यात आली . यात अभिनेता ऋषभ शेट्टीला सर्वोत्कृष्ट अभिनेता म्हणून राष्ट्रीय चित्रपट पुरस्कार जाहीर झाला. राष्ट्रीय चित्रपट पुरस्कार हा चित्रपटसृष्टीतील सर्वात मोठा सन्मान असल्याचे म्हटले जातं . आपल्याला इतका मोठा पूरस्कार मिळेल असं कधीच ऋषभ शेट्टीला वाटलं नव्हतं.

राष्ट्रीय पुरस्कार विजेत्या अभिनेत्याचं खरं नाव काय?

ऋषभ शेट्टी हा कर्नाटकचा रहिवासी आहे. त्याचे वडील ज्योतिषी आहेत. तर आई गृहिणी आहे. त्याच्या पालकांनी त्याचे नाव प्रशांत शेट्टी ठेवले, जे नंतर त्याने ऋषभ शेट्टी असे ठेवले. ऋषभ शेट्टीचे सुरुवातीचे शिक्षण लिखाई कुंदापुरा शाळेत झाले. त्यानंतर ऋषभ शेट्टीने बेंगळुरूच्या जयनगर येथील विजया कॉलेजमधून बॅचलर ऑफ कॉमर्सचं (B.Com) शिक्षण घेतलं. त्यानंतर त्याने बेंगळुरूच्या सरकारी फिल्म अँड टेलिव्हिजन इन्स्टिट्यूटमधून फिल्म प्रोडक्शनमध्ये डिप्लोमा केला .

लहानपणापासूनच स्वप्न

ऋषभ शेट्टीने त्याच्या अनेक मुलाखतींमध्ये सांगितले की, त्याला लहानपणापासूनच फिल्मी दुनियेत जाण्याची आवड होती. त्याची सुरुवात त्यांनी सहावीपासूनच केली. ऋषभ शेट्टीने एका मुलाखतीत सांगितले की, कलाकार म्हणून त्याचा प्रवास सहाव्या वर्गापासून सुरू झाला होता, जेव्हा त्याने यक्षगान परफॉर्म केलं होतं.

ऋषभ शेट्टीला त्याच्या कंतारा: द लिजेंड या चित्रपटासाठी सर्वोत्कृष्ट अभिनेत्याचा पुरस्कार देण्यात आलाय. त्यांनी एका मुलाखतीत सांगितले होते की, इयत्ता सहावीपासूनच त्यांच्या प्रदेशातील लोककथा लोकांना दाखविण्याचे त्यांचे स्वप्न होते. त्याने कांतारा: द लिजेंड या चित्रपटात लोकसाहित्य नृत्याचाही मोठ्या प्रमाणात वापर केलाय. त्याच्या लहानपणाचा त्याच्या छंदाने त्याला सर्वोत्कृष्ट अभिनेता बनवलं आणि मोठा पुरस्कार मिळवून दिलाय.