आदेश बांदेकरांनंतर Tim David देणार पैठणी?; Mumbai Indians ने शेअर केलेल्या ‘होम मिनिस्टर’च्या व्हिडीओवर भाऊजींची भन्नाट प्रतिक्रिया

Tim David Home Minister Video

येत्या २२ मार्चपासून आयपीएल २०२४ (IPL 2024) ला सुरूवात होणार आहे. आयपीएलमधील सुप्रसिद्ध संघ 'मुंबई इंडियन्स'ची (Mumbai Indians) सध्या जोरदार चर्चा होत आहे. अशातच सध्या इन्स्टाग्रामवर टीम डेव्हिडचा एक व्हिडीओ जोरदार व्हायरल होत आहे. क्रिकेटर टीम डेव्हिडने झी मराठीवरील प्रसिद्ध मालिका ‘होम मिनिस्टर’च्या टायटल साँगवर एक व्हिडीओ क्रिएट करून शेअर केला आहे. या व्हिडीओवर आदेश बांदेकर यांनी केलेल्या कमेंटने अनेकांचे लक्ष वेधले आहे. (Mumbai Indians)

झी मराठीवरील प्रसिद्ध मालिका ‘होम मिनिस्टर’ गेल्या अनेक वर्षांपासून चाहत्यांचे मनोरंजन करीत आहे. या शोच्या सुत्रसंचालनाची धुरा आदेश बांदेकर यांच्याकडे आहे. नुकताच मुंबई इंडियन्स (Mumbai Indians) या आयपीएल टीमच्या इन्स्टाग्राम अकाऊंटवरुन होम मिनिस्टर या कार्यक्रमाच्या टायटल साँगवरील एक व्हिडीओमध्ये केला आहे. या व्हिडीओमध्ये टीम डेव्हिडचा मराठमोळा अंदाज पाहायला मिळत आहे. या व्हिडीओमध्ये तो महिलांना नमस्कार करताना, महिलांचे कौतुक करताना आणि त्यांना आपल्या हातून पैठणी देताना दिसत आहे. सध्या डेव्हिडच्या ह्या व्हिडीओची इन्स्टाग्रामवर जोरदार चर्चा होत आहे. (Zee Marathi)

मुंबई इंडियन्स टीमने हा व्हिडीओ शेअर करताना, "दार उघड बये.. दार उघड, टीम भाऊ-जी आले आहेत!" असं कॅप्शन दिले आहे. या व्हिडीओवर नेटकऱ्यांनी लाईक्स आणि कमेंट्सचा वर्षाव केला आहे. या व्हिडीओवर आदेश बांदेकर यांनी देखील भन्नाट कमेंट केली आहे. त्यांच्या कमेंटनं अनेकांचे लक्ष वेधले आहे. "वाह! टिम जिंकलीच पाहिजे धाकटे भाऊजी" अशी कमेंट आदेश बांदेकर यांनी केली. त्यांच्या या कमेंटने सर्वांचेच लक्ष वेधले. (Tv Serial)

२२ मार्चपासून इंडियन प्रीमियर लीग 2024 ला सुरुवात होणार आहे. यंदा रोहित शर्माच्या जागी हार्दिक पांड्याकडे 'मुंबई इंडियन्स' संघाच्या कर्णधार पदाची जबाबदारी दिली आहे. मुंबई इंडियन्स संघाचा पहिला क्रिकेट सामना गुजरात टायटन्सविरुद्ध आहे. हा सामना २४ मार्चला अहमदाबाद येथे होणार आहे. (Entertainment News)