Anushka Sharma : अनुष्का शर्मा तिसऱ्यांदा प्रेग्नेंट? विराटसोबत मुंबईत स्पॉट, 'त्या' VIDEO नंतर जोरदार चर्चा सुरू

बॉलिवूडचे पावर कपल अभिनेत्री अनुष्का शर्मा आणि क्रिकेटपटू विराट कोहली पुन्हा एकदा चांगलेच चर्चेत आले आहे. सोशल मीडियावर दोघांचा एक व्हिडीओ तुफान व्हायरल होत आहे, ज्यामुळे अनुष्का शर्मा तिसऱ्यांदा प्रेग्नेंट असल्याची चर्चा रंगली आहे. अलिकेडच दोघे मुंबईत स्पॉट झाले. त्यांचा हा व्हिडीओ इंटरनेटवर धुमाकूळ घालत आहे.

अनुष्का शर्मा गरोदर आहे का?

अनुष्का आणि विराट मुंबईतील वरळी येथील अमेरिकन भक्ती-संगीत गायक कृष्णा दास यांच्या 'लाईव्ह कीर्तन' कार्यक्रमाला उपस्थित होते. या आध्यात्मिक कार्यक्रमाला जाण्यापूर्वी, त्यांना 'गेटवे ऑफ इंडिया' येथेही पाहण्यात आले होते. सोशल मीडियावर व्हायरल होत असलेल्या व्हिडिओंमध्ये अनुष्का टाळ्या वाजवताना आणि भक्ती-गीतांमध्ये सहभागी होऊन गाताना दिसत आहे, तर विराट तिच्या शेजारी बसलेला आहे.

अनुष्काने कार्यक्रमासाठी अनारकली सूट परिधान केला होता. ज्यावर सुंदर ओढणी तिने घेतली होती. तिच्या लूकने सर्वांचे लक्ष वेधून घेतले. अनुष्काच्या ड्रेसमुळे ती गरोदर असल्याच्या चर्चा रंगल्या आहेत. व्हायरल होणाऱ्या या व्हिडींओवर नेटकरी भरभरून कमेंट्स करत आहेत. एका युजरने विचारले, "अनुष्का पुन्हा गरोदर आहे का?" दुसऱ्या एका युजरने लिहिले, "केवळ मलाच असे वाटतेय का की अनुष्का शर्मा गरोदर आहे?" दरम्यान, एका युजरने गमतीने म्हटले, "अनुष्कालाही कदाचित ट्विटरवरूनच कळत असेल की ती गरोदर आहे!"

एकंदर व्हायरल व्हिडीओमुळे अनुष्का तिसऱ्यांदा प्रेग्नेंट असल्याची चर्चा सुरु झाली आहे. मात्र अद्याप याबाबत विराट-अनुष्काने कोणतीही अधिकृत माहिती दिली नाही. अनुष्का शर्मा आणि विराट कोहली डिसेंबर २०१७ मध्ये लग्नबंधनात अडकले. २०२१ मध्ये 'वामिका' नावाची मुलगी झाली, तर २०२४ मध्ये 'अकाय' नावाच्या मुलाचा जन्म झाला.