Alia Bhatt : फोटोसाठी आलियाला ओढलं, हाताला झटका दिला; संतापजनक VIDEO समोर

बॉलिवूड अभिनेत्री आलिया भट्टचा (Alia Bhatt) मोठा चाहता वर्ग आहे. तिला एक नजर पाहण्यासाठी, तिच्या सोबत फोटो काढण्यासाठी चाहते कायम उत्सुक असतात. दरवर्षी प्रमाणे यावर्षी देखील मुखर्जी कुटुंबाकडून दुर्गा पूजा सोहळ्याचे आयोजन करण्यात आले होते. या सोहळ्याला अनेक कलाकारांनी भेट दिली. देवीच्या दर्शनाला आलिया भट्ट देखील गेली होती. ज्याचे सोशल मीडियावर तुफान व्हिडीओ व्हायरल होत आहे.

एका व्हिडीओमध्ये तुम्ही पाहू शकता की, दर्शन घेऊन झाल्यावर आलिया भट्ट निघताना दिसत आहे. तिच्याभोवती चाहत्यांची गर्दी पाहायला मिळत आहे. तेव्हा अचानक एक चाहती येते आणि आलिया भट्ट्च्या हाताला ओढून फोटोसाठी नेताना दिसत आहे. तेव्हा अचानक असे घडल्यामुळे काही सेकंदासाठी आलिया गोंधळते. मात्र नंतर ती हा क्षण शांतपणे हाताळताना दिसते. ती त्या महिलेसोबत सेल्फी देखील काढते. तसेच ती धक्का मारू नका अशी विनंती देखील करते.

आलियाचे अंगरक्षक जेव्हा त्या महिला चाहतीला मागे ढकलतात. तेव्हा आलिया त्यांना थांबवते. आलियाचा हा व्हिडीओ सोशल मीडियावर तुफान व्हायरल होत आहे. तिच्या कृतीचे तसेच तिने हाताळलेल्या त्या क्षणाचे सर्वत्र कौतुक होताना दिसत आहे. तसेच त्या महिला चाहतीवर अनेक टिका होताना दिसत आहे. नेटकरी तिच्यावर संतापले आहेत. कमेंट्स मध्ये असे म्हणतात की, "कलाकारही माणूस आहे..."

दिग्दर्शक अयान मुखर्जी आलियाला दुर्गा पूजा पंडालपर्यंत घेऊन येतो. तेथे राणी मुखर्जी आधीपासून असते. दोघी छान गप्पा मारतात. त्यानंतर आलिया देवीची मनोभावे पूजा करताना दिसते. आलियाने पूजेसाठी पारंपरिक लूक केला होता. तिने सुंदर साडी नेसली होती. तिच्या लूक चाहत्यांना खूपच आवडला.