Radhika Deshpande : 'आई कुठे काय करते' फेम अभिनेत्रीनं सांगितला १६ व्या वर्षी घडलेला भयंकर प्रसंग, छेड काढणाऱ्याला घडवली मोठी अद्दल

मराठी अभिनेत्री राधिका देशपांडे (Radhika Deshpande) हिने आपल्या आयुष्यातील एक प्रसंग सांगितला आहे. जो ऐकून कोणाच्याही डोळ्यात पाणी येईल. अभिनेत्री राधिका देशपांडे हिने आपल्या अभिनयाने प्रेक्षकांच्या मनावर राज्य केलं आहे. तिने अनेक मालिका आणि नाटकांमध्ये काम केलं आहे. ती कोणत्याही भूमिकेत जीव ओतते.

राधिकाने दिलेल्या एका मीडिया मुलाखतीत आपल्यासोबत घडलेला प्रसंग सांगितला. ती १६ वर्षांची ट्रेनमध्ये तिच्यासोबत एक घटना घडली होती. राधिका म्हणाली की, "मी १६ वर्षांची असताना माझी बहीण आणि भाऊ असे तिघे मिळून प्रवास करत होतो. मी ट्रेनच्या वरच्या बर्थवर झोपले होते. मी गाडीच्या वरच्या बर्थवर झोपले होते. तेव्हा एका माणसाने मला स्पर्श केला. असे अनेक वेळा झाले. शेवटी मी तिसऱ्यांदा हात पकडला आणि गाडीत आरडाओरडा सुरू केला. मी आरडाओरडा केल्यावर लोकांनी आम्हाला झोपा काही नाही झाले असे म्हटले. पण मला रात्री झोप आली नाही कारण तो मुलगा तिथेच बसला होता. आजूबाजूला अनेक लोक होते. तरी आम्ही घाबरलो होतो. "

पुढे राधिका म्हणाली की, "रात्री अडीच-तीन वाजता मी गाडीत आरडाओरडा सुरू केला होता. तिथे एक मुलगा आणि त्याचा मित्र होता. ज्याने मला स्पर्श केला. हा प्रसंग माझ्या डोळ्यासमोरून गेला नाही. मी हाच विचार करत राहिले की, हे माझ्याबरोबरच का घडले आणि मला आईबाबांनी एकट का पाठवले. मी त्या मुलाला थोबाडीत मारली. एवढ होऊन सुद्धा आजूबाजूची लोक दीदी रहने दो... असे म्हणत होती. त्यानंतर मी टीसीला बोलावल आणि ती दोन्ही मुलं पुढच्या स्टेशनला खाली उतरवले."

राधिका सोशल मीडियावर खूप सक्रिय असते. आपल्या आयुष्यातील घडामोडी आणि प्रोजक्टचे अपडेट ती सोशल मीडियाच्या माध्यमातून चाहत्यांना देते. लोकप्रिय मालिका 'आई कुठे काय करते' यामध्ये तिने अरुंधतीच्या मैत्रीणीची भूमिका साकारली होती.