स्पा सेंटरच्या नावाखाली वेश्या व्यवसाय सुरू असल्याचा धक्कादायक प्रकार पिंपरी चिंचवड शहरात उघडकीस आला आहे. या प्रकरणी पिंपरी चिंचवड शहर पोलिसांच्या अनैतिक वाहतूक प्रतिबंधक कक्षाने पिंपळे निलख परिसरातील एका स्पा सेंटरवर धाड टाकून देहविक्री करणाऱ्या तीन मुलींची सुटका केली आहे. (Crime News In Marathi)
याबाबत अधिक माहिती अशी की, काहीजण स्वतःच्या आर्थिक फायद्यासाठी स्पा सेंटरच्या नावाखाली वेश्याव्यवसाय चालवत आहेत.. अशी गोपनीय माहिती अनैतिक वाहतूक प्रतिबंधक कशाला मिळाली, त्या माहितीच्या आधारे पोलिसांनी पिंपळे निलख परिसरातील ब्रह्मानंद कॉलनी इंगवले नगर येथिल फ्लॅट नंबर 201 येथे जे पी फॅमिली स्पा सेंटरवर धाड टाकली.
या धाडीमध्ये पोलिसांनी स्पा सेंटरमध्ये देहविक्री करणाऱ्या तीन मुलींची सुटका केली आहे. तसेच या प्रकरणात स्पा चालक जया अशोक जाधव आणि निखिल मोहन नवघन या दोन आरोपींना पोलिसांनी अटक केली आहे. अटक केलेल्या आरोपींविरोधात सांगवी पोलीस स्टेशनमध्ये भादवि कलम 370, 34, अनैतिक व्यापार प्रतिबंधक अधिनियम 1956 चे कलम तीन, चार, पाच आणि सात नुसार गुन्हा दाखल करण्यात आला आहे. (Pimpari Chinchwad News)
केळीच्या बागेत गांजाची लागवड..
नंदुरबार जिल्ह्यातून एक धक्कादायक प्रकार समोर आला आहे. नंदुरबारच्या नवानगर (ता.शहादा) येथे केळीच्या शेतात गांजाची लागवड केल्याची टीप पोलिसांना मिळाली होती. या गुप्त माहितीच्या आधारे स्थानिक गुन्हे शाखेच्या पथकाने प्रत्यक्ष शेतात जाऊन १७ लाख ७४ हजार रुपये किमतीचा २ क्विंटल ५३ किलो गांजा जप्त केला आहे. पोलीस या प्रकरणाचा अधिक तपास करत आहेत. (Latest News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.