Kalyan Crime: टीप मिळाली अन् सापळा रचला... कल्याणमध्ये तब्बल ७ लाखांचा गुटखा जप्त; कोळशेवाडी पोलिसांची कारवाई

अभिजित देशमुख, कल्याण| ता. २८ डिसेंबर २०२३

Kalyan Crime News:

कल्याण कोळशेवाडी पोलिसांनी विठ्ठलवाडी परिसरात छापा टाकून तब्बल 7 लाखांचा गुटखा जप्त केला आहे. या प्रकरणातील मुख्य सूत्रधार मनीष यादव याच्यासह इसरार अहमद, विनोद गंगवाणी सह त्याचे दोन साथीदार पसार झाले असून पोलीस त्यांचा शोध घेत आहेत. या कारवाईने परिसरात एकच खळबळ उडाली आहे. (Crime News in Marathi)

कल्याणमध्ये मोठी कारवाई

याबाबत सविस्तर माहिती अशी की, कल्याण पूर्वेकडील (Kalyan West) विठ्ठलवाडी परिसरातील मंजुनाथ बारच्या मागील बाजूस असलेल्या गायकवाड चाळीत बेकायदेशीरित्या गुटख्याची खरेदी विक्री सुरू असल्याची माहिती कल्याणचे डीसीपी सचिन गुंजाळ यांना मिळाली होती होती.

सात लाखांचा गुटखा जप्त..

या माहितीच्या आधारे कल्याण कोळशेवाडी पोलीस ठाण्याचे वरिष्ठ पोलीस निरीक्षक राजेश शिरसाठ, पोलीस अधिकारी उल्हास जाधव, दिनकर पगारे यांच्या पथकाने गायकवाड चाळीतील खोलीत छापा टाकला. खोलीत तब्बल सात लाख रुपयांचा गुटखा बेकायदेशीररित्या साठवून ठेवल्याचे आढळून आले.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांनी गुटखा जप्त केला असून याप्रकरणी मनीष यादव ,इसरार अहमद, विनोद गंगवाणी सह त्याचे दोन साथीदाराविरोधात गुन्हा दाखल करत त्यांचा शोध सुरू केला आहे. या प्रकरणातील मनीष यादव हा मुख्य सूत्रधार असून त्याचे साथीदार पसार आहेत. दरम्यान, इतक्या मोठ्या प्रमाणात गुटखा कुठून आणला? याची कुठे विक्री होणार होती? याचा शोध आता पोलीस घेत आहेत. (Latest Marathi News)