Terrorist Hardeep Nijjar: खलिस्तानी हरदीप निज्जरचे मारेकऱ्यांना लवकरच अटक होईल: रिपोर्ट

Khalistani Terrorist Hardeep Nijjar :

खलिस्तानी दहशतवादी हरदीप सिंग निज्जरच्या हत्येप्रकरणी कॅनडा पोलीस आरोपींचे धागेदारे लागले आहेत. हत्येत सहभागी असलेल्या दोन्ही आरोपींना लवकरच अटक केली जाण्याची शक्यता आहे. द ग्लोब अॅण्ड मेल वृत्तसंस्थेने दिलेल्या वृत्तानुसार पोलिसांची आरोपींवर नजर असून त्या दोघांना लवकर अटक केली जाण्याची शक्यता आहे. (Latest News)

द ग्लोब अॅण्ड मेल वृत्तसंस्थेने दिलेल्या वृत्तानुसार पोलिसांची आरोपींवर नजर असून त्या दोघांना लवकर अटक केली जाण्याची शक्यता आहे.अज्ञात सूत्रांनी दिलेल्या माहितीनुसार, निज्जरच्या हत्येनंतरही हे दोन्ही संशयित मारेकरी कॅनडामध्येच (Canada) आहेत. सरे शहरातील गुरुद्वाराबाहेर १८ जून रोजी खलिस्तानी दहशतवादी (terrorist) निज्जरची हत्या झाली होती.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

निज्जरच्या हत्येमागे भारतीय एजंटचा सहभाग असल्याचा आरोप कॅनडाचे पंतप्रधान (Prime Minister) जस्टिन ट्रूडो (Justin Trudeau) यांनी आरोप केला होता. त्यानंतर भारत आणि कॅनडामधील संबंध ताणले गेले होते. दरम्यान भारताने २०२० निज्जरला दहशतवादी घोषित केलं होतं. भारताने ट्रुडोच्या आरोपांना तथ्यहीन म्हटलं होतं. परंतु कॅनडाने आरोप केल्यानंतर अहवालनंतर म्हटलं होतं की,आरोप दाखल झाल्यानंतर,पोलीस मारेकऱ्यांचा कथित सहभाग आणि भारत सरकारशी (Government of India) त्यांचे संबंध याबद्दल तपशील उघड करतील, असं कॅनडाने म्हटलं होतं.

भारताने कॅनडासोबतच्या संबंधांबाबत उघडपणे भाष्य केलं आहे. गेल्या आठवड्यातच भारताने म्हटलं की, कॅनडाबाबतचा आपला मुख्य मुद्दा त्या देशात सक्रीय राष्ट्रविरोधी घटकांना राहू देण्याची परवानगीचा आहे. भारतविरोधी घटकांवर कारवाई होईल, अशी अपेक्षा भारताने व्यक्त केली होती. दरम्यान प्रसारमाध्यमांशी बोलताना परराष्ट्र मंत्रालयाचे प्रवक्ते अरिंदम बागची म्हणाले की, भारताला आशा आहे की कॅनडा फुटीरतावादी आणि भारतविरोधी घटकांवर कारवाई करेल.