Nashik News : गुजरातचा तस्कर पुष्पाला सिनेस्टाइल पाठलाग करून पकडलं; नाशिकच्या जंगलात करायचा साग-खैराची तस्करी!

गुजरातचा कुख्यात खैर आणि साग तस्कर पुष्पा उर्फ नवसूभाई लोहार या वनविभागाच्या तीन पथकांनी सिनेस्टाईल पाठलाग करून पकडले. त्याला न्यायालयात हजर केले असता न्यायालयाने त्यास पाच दिवसांची वन कोठडी सुनावली आहे.

महाराष्ट्र गुजरात सीमेवरील नाशिक जिल्ह्यातील जंगलात घुसखोरी करत खैर, सागाच्या झाडांची कत्तल करून लोहार हा तस्करी करायचा. लाेहार याच्या माध्यमातून महाराष्ट्र गुजरात सीमेवरील जंगलात तस्करांची टोळी आजही कार्यरत आहे.

गेल्या अनेक वर्षांपासून वनविभाग लोहारच्या मागावर हाेते. त्याला पकडण्यात वन विभागास यश आले आहे. नवसू भाई लोहार वनविभागाच्या हाती लागल्याने खैर आणि सागाच्या तस्करीचे आंतरराज्यीय रॅकेट उघड हाेण्यास मदत हाेणार आहे अशी माहिती डॉ. सुजित नेवासे (विभागीय व्यवस्थापक वन विकास महामंडळ) यांनी दिली.

Edited By : Siddharth Latkar