Success Story: मिर्झापूरच्या SDM असतानाही दिली UPSC; मिळवली १८ रँक; IAS सौम्या मिश्रा यांचा प्रेरणादायी प्रवास

आयएएस होऊन देशासाठी काहीतरी करायचे स्वप्न अनेकांचे असते. यासाठी अनेकजण दिवसरात्र मेहनत करुन यूपीएससी परीक्षेची तयारी करतात. अनेकजण तर नोकरी करत यूपीएससी परीक्षेसाठी तयारी करतात. असंच काहीसं सौम्या मिश्रा यांनीदेखील केलं. त्यांनी २०२१ मध्ये एसडीएमचे ट्रेनिंग पूर्ण केले. त्याचवेळी त्यांची मिर्जापूरमध्ये एसडीएम पदावर नियुक्ती झाली. एसडीएम (SBM) असतानाही त्यांना आयएएस व्हायचे होते.

SDM असतानाही दिली यूपीएससी

एसडीएम असतानाही सौम्या मिश्रा यांनी पुन्हा यूपीएससी (UPSC) परीक्षा दिली. सतत प्रयत्न केले. या प्रयत्नांचे यशदेखील त्यांना मिळाले. त्यांनी चौथ्या प्रयत्नात यूपीएससी परीक्षा क्लिअर केली. त्यांनी १८वी रँक प्राप्त केली. त्यांच्यासोबत त्यांची लहान बहीणदेखील यूपीएससी परीक्षा पास केली. या दोघींनीही कुटुंबाचे नाव मोठे केले.

वडिलांचे स्वप्न दोन्ही लेकींनी केले पूर्ण

दोन्ही मुलींनी आयएएस होऊन आपल्या वडिलांचे स्वप्न पूर्ण केले. त्यांचे वडील राघवेंद्र हे शिक्षण आहेत. तर आई गृहिणी आहे. सौम्या मिश्रा या मूळच्या उन्नाव जिल्ह्याच्या रहिवासी आहेत. सौम्या यांचे सर्व शिक्षण दिल्लीत झाले. त्या सुरुवातीला लेक्चरर बनल्या. त्यानंतर यूपीपीएस परीक्षा पास करुन एसडीएम बनल्या. तरीही त्यांनी यूपीएससी परीक्षा देण्याचा निर्णय घेतला. त्यांनी १८ रँक प्राप्त करुन आयएएस होण्याचे स्वप्न पूर्ण केले.

अपयश ही यशाची पहिली पायरी

सौम्या मिश्रा यांनादेखील तीन वेळा अपयश आले तरीही त्यांनी पुन्हा प्रयत्न केले. त्यांनी अपयश ही यशाची पहिली पायरी आहे, असं समजून प्रयत्न थांबवले नाहीत.त्यांच्या या जिद्दीमुळे आणि प्रचंड इच्छाशक्तीमुळे त्यांना हे यश मिळाले आहेत. त्यांचा हा प्रवास सर्वांसाठीच प्रेरणादायी आहे.