Success Story: आईचा संघर्ष पाहून IAS होण्याच्या जिद्दीला पेटली, दिवसा काम अन् रात्री अभ्यास, पहिल्याच प्रयत्नात UPSC क्रॅक

यूपीएससी ही देशातील सर्वात अवघड परीक्षा आहे. यूपीएससी परीक्षा देऊन आयएएस होण्याचे अनेकांचे स्वप्न असते. हे स्वप्न उराशी बाळगून अनेक तरुण परीक्षेची तयारी करतात. परीक्षेची तयारी करताना दिवसरात्र एक करुन अभ्यास करावा लागतो. परंतु असेही काही आयएएस अधिकारी आहेत ज्यांनी नोकरी करत यूपीएससी परीक्षा क्रॅक केली आहे. यातील एक नाव म्हणजे आयएएस सृष्टी डबास. त्यांनी परीक्षेसोबतच यूपीएससी परीक्षा क्रॅक केली.

सृष्टी डबास यांचे शिक्षण

सृष्टी डबास यांचा जन्म १३ ऑक्टोबर १९८८ रोजी झाला. सृष्टी या लहानपणापासूनच अभ्यासात हुशार होत्या. त्यांनी दिल्लीतील गंगा इंटरनॅशनल स्कूलमधून अभ्यास केला. त्यांनी बारावीत ९६.३३ टक्के गुण मिळवली. यानंतर त्यांनी इंद्रप्रस्थ कॉलेजमधून पॉलिटिक्स सायन्समध्ये बीए पदवी प्राप्त केली. यानंतर त्यांनी एमए केले.

सृष्टी डबास या अभ्यासात तर हुशार आहेत.त्याचसोबत त्या उत्तम कथ्थक डान्सर आहेत. त्यांनी आपल्या अभ्यासासोबत आपला छंददेखील जपला.

आईचा संघर्ष

सृष्टी यांचा जन्म झाला तेव्हा त्यांच्या कुटुंबियांना आनंद झाला नव्हता. त्यांचे आई वडील वेगवेगळे राहतात. तेव्हाच आईचे नाव मोठे करण्याचे सृष्टी यांनी ठरवले आणि करुनदेखील दाखवले. त्यांनी संपूर्ण जगाला आपली वेगळी ओळख निर्माण करुन दाखवली.

नोकरी करत असताना यूपीएससी परीक्षेची तयारी (Preparing For UPSC While Doing Job)

मिडिया रिपोर्टनुसार, सृष्टी डबास यांनी नोकरी करता करता यूपीएससी परीक्षेची तयारी केली. त्यांनी आरबीआय मुंबईमध्ये एचआर ब्रँड ग्रेड २ कर्मचारी म्हणून कार्यरत होत्या. त्या दिवसा नोकरी करायच्या आणि रात्री यूपीएससी परीक्षेचा अभ्यास करायच्या. त्यांना नोकरी करता करता अभ्यास करणे कठीण जात होते. परंतु त्यांनी हार मानली आहे.

लंच ब्रेकमध्येही केला अभ्यास (Studied At Lunch Break)

आयएएस सृष्टी डबास यांना जेव्हा वेळ मिळायचा तेव्हा त्या आरबीआयच्या लायब्ररीमध्ये जाऊन अभ्यास करायच्या. लंच ब्रेकमध्ये त्या रिविजन करायच्या. रिझर्व्ह बँकेत काम करण्याआधी त्यांनी मिनिस्ट्री ऑफ सोशल जस्टिस अँड Empowerment मध्ये काम केले. त्यांनी २०२३ मध्ये यूपीएससी परीक्षा दिली. त्यांनी पहिल्याच प्रयत्नात यशदेखील मिळवले.

सृ्ष्टी यांनी मिळाली सहावी रँक

सृष्टी डबास यांनी आपल्या मेहनतीने हे यश मिळवले आहे. त्यांनी कोणत्याही कोचिंग क्लासेसशिवाय यूपीएससी परीक्षा (UPSC Exam) पास पास केली आहे. पहिल्याच प्रयत्नात त्यांना सहावी रँक मिळाली आहे. त्या २०२४ च्या बॅचच्या आयएएस ऑफिसर आहेत.